Share Market :શેરબજારમાં શાનદાર શરૂઆત,સેન્સેક્સ-નિફ્ટીમાં તેજી

1. સ્થાનિક શેરબજારની શરૂઆત આજે મજબૂત
2. અદાણી પોર્ટ્સમાં આજે ઘટાડો જોવા મળી રહ્યો છે
3. સેન્સેક્સ 109.19 પોઈન્ટના ઉછાળા સાથે 79,065 પર ખુલ્યો

Share Market: ભારતીય શેરબજાર(Share Market)માં આજે સ્થાનિક શેરમાં મજબૂત શરૂઆત થઈ છે અને સેન્સેક્સ-નિફ્ટી તેજી સાથે ખુલ્યા છે. આજે અદાણીના શેરમાં મિશ્ર ટ્રેડિંગ જોવા મળી રહ્યું છે. અદાણી એન્ટરપ્રાઇઝમાં ઘટાડો છે જ્યારે અંબુજા સિમેન્ટ્સમાં વધારો છે. અદાણી પોર્ટ્સમાં આજે ઘટાડો જોવા મળી રહ્યો છે.આજે શેરબજારની શરૂઆત થતા BSE સેન્સેક્સ 109.19 પોઈન્ટ અથવા 0.14 ટકાના ઉછાળા સાથે 79,065 પર ખુલ્યો હતો. NSEનો નિફ્ટી 45.40 પોઈન્ટ અથવા 0.19 ટકાના વધારા સાથે 24,184 પર ખુલ્યો હતો.

આજે શેરબજારની શરૂઆત કેવી રહી?

મંગળવારે નફો બુક કર્યા બાદ આજે શેરબજારમાં મામૂલી મજબૂતી જોવા મળી રહી છે. શરૂઆતના કારોબારમાં સેન્સેક્સ 75.02 પોઈન્ટ વધીને 79,031.05 પોઈન્ટ પર ખુલ્યો હતો. તે જ સમયે, NSE નિફ્ટી 45.40 પોઈન્ટના વધારા સાથે 24,184.40 પોઈન્ટ પર પહોંચી ગયો છે. ગ્લોબલ માર્કેટમાં સ્ટોક માર્કેટને જબરદસ્ત સપોર્ટ મળી રહ્યો છે. શેરની વાત કરીએ તો ટેક મહિન્દ્રા, ઈન્ફોસિસ, એસબીઆઈ, એચડીએફસી બેંકમાં ઉછાળો જોવા મળી રહ્યો છે. તે જ સમયે, એક્સિસ બેંક, ICICI, બજાજ ફિનસર્વ, ટાઇટનમાં ઘટાડો જોવા મળી રહ્યો છે.

આ પણ  વાંચો -Adani-Sebi Dispute : કોંગ્રેસે કરી દેશવ્યાપી વિરોધની જાહેરાત

પ્રી-ઓપનિંગમાં શેરબજાર કેવું હતું?

બીએસઈનો સેન્સેક્સ 166.37 પોઈન્ટ અથવા 0.21 ટકાના વધારા સાથે 79122 પર ટ્રેડ કરી રહ્યો હતો અને એનએસઈનો નિફ્ટી 36.80 પોઈન્ટ અથવા 0.15 ટકાના મામૂલી વધારા સાથે 24175 પર ટ્રેડ કરી રહ્યો હતો. નિફ્ટી, સૌથી મોટા પ્રી-ઓપનિંગ સૂચક છે, જોકે, 28 પોઈન્ટ અથવા 0.12 ટકા ઘટીને 24190.50 પર છે.

આ પણ  વાંચો -શેરબજારમાં Hindenburg ની અસર, તમામ કંપનીના શેરમાં સૌથી વધુ નુકસાન

મંગળવારે શેરબજારમાં  ઘટાડો જોવા મળ્યો હતો

તમને જણાવી દઈએ કે મંગળવારે શેરબજારમાં સતત બીજા દિવસે ઘટાડો જોવા મળ્યો હતો અને BSE સેન્સેક્સ લગભગ 700 પોઈન્ટ ઘટીને 79,000 પોઈન્ટના સ્તર પર બંધ થયો હતો. નેશનલ સ્ટોક એક્સચેન્જનો નિફ્ટી પણ 208 પોઈન્ટના ઘટાડા સાથે 24,139 પોઈન્ટ પર બંધ રહ્યો હતો. બેન્કિંગ શેરોમાં HDFC બેન્ક, SBI અને ITCમાં વેચવાલીને કારણે બજાર ખોટમાં રહ્યું.

આ મહત્વપૂર્ણ સ્તરોને ધ્યાનમાં રાખો

મળતી માહિતી અનુસાર કોટક સિક્યોરિટીઝના હેડ ઇક્વિટી રિસર્ચ શ્રીકાંત ચૌહાણના જણાવ્યા અનુસાર મંગળવારે ઊંચા સ્તરે સેન્સેક્સ અને નિફ્ટીમાં વેચવાલીનું દબાણ જોવા મળ્યું હતું. લગભગ તમામ મોટા સેક્ટરમાં વેચવાલી જોવા મળી હતી. તકનીકી રીતે, દૈનિક ચાર્ટ પર નબળાઈના સંકેતો છે. બજારનું ઇન્ટ્રાડે માળખું નબળું છે. 24100નું લેવલ તૂટે તો 24000 અને 23800ના લેવલ જોવા મળી શકે છે. જો વધારો થશે તો તે પાછું 24370 પર આવી શકે છે. જો કે, મોમેન્ટમ 24500ના સ્તરની ઉપર જ પરત ફરશે. બેન્ક-નિફ્ટીએ 50000નું લેવલ તોડ્યું અને તેનાથી નીચે બંધ થયું, જે નેગેટિવ છે. તાત્કાલિક સપોર્ટ 49600 હશે, તેની નીચે બંધ થવાથી વેચાણ 49000 અથવા 48800 સ્તર સુધી લંબાઈ શકે છે. અપસાઇડ 50500ના સ્તર સુધી મર્યાદિત છે.