Google એ ફરી 200 કર્મચારીઓને બહારનો રસ્તો બતાવ્યો!

Google: ગૂગલમાં કર્મચારીઓને (Google Employee)છટણી કરવાની પ્રક્રિયા યથાવત રહી છે. વિશ્વના સૌથી મોટા સર્ચ એન્જિન ગૂગલમાં ફરીથી છટણીની પ્રક્રિયા પૂરજોશમાં ચાલી રહી છે. તાજેતરમાં, સુંદર પિચાઈની આગેવાની હેઠળ આલ્ફાબેટની આખી પાયથોન ટીમને કાઢી મૂકવામાં આવી છે અને હવે ફરી એકવાર કંપનીમાં છટણીના મોટા સમાચાર આવ્યા છે.

200 કર્મચારીઓની છટણી

આ વખતે ગૂગલની કોર ટીમમાં છટણી કરવામાં આવી છે અને 200 કર્મચારીઓ તેનો ભોગ બન્યા છે. નવી છટણી હેઠળ કંપનીએ ઓછામાં ઓછા 200 કર્મચારીઓને બહારનો રસ્તો બતાવ્યો છે. આ સિવાય એવું કહેવામાં આવ્યું છે કે ગૂગલ તેની કેટલીક નોકરીઓ ભારત અને મેક્સિકોમાં ટ્રાન્સફર કરવા પર વિચાર કરી રહ્યું છે. ગૂગલમાં આ નવી છટણી તાજેતરમાં ફ્લટર, ડાર્ટ અને પાયથોન ટીમમાંથી કર્મચારીઓને દૂર કર્યા પછી જોવા મળી છે.

કર્મચારીઓની સંખ્યામાં ઘટાડો કરી રહી છે કંપની

આ સિવાય કેલિફોર્નિયામાં ગૂગલના હેડક્વાર્ટરમાં સ્થિત એન્જિનિયરિંગ ટીમમાંથી ઓછામાં ઓછી 50 ભૂમિકાઓ દૂર કરવામાં આવી છે. ગૂગલની પેરેન્ટ કંપની, આલ્ફાબેટ, ઓનલાઈન એડવર્ટાઈઝિંગ માર્કેટમાં પડકારોને કારણે ગયા વર્ષની શરૂઆતથી જ તેના કર્મચારીઓની સંખ્યામાં ઘટાડો કરી રહી છે. ડિજિટલ જાહેરાતોમાં તાજેતરના સુધારાઓ હોવા છતાં, આલ્ફાબેટે આ વર્ષે વિવિધ વિભાગોમાં મોટી સંખ્યામાં છટણી કરી છે.

શું કરે છે ગૂગલની કોર ટીમ

ગૂગલની વેબસાઇટ અનુસાર, 'કોર' ટીમ કંપનીના મુખ્ય ઉત્પાદનો પાછળ ટેકનિકલ આધાર બનાવે છે. ટીમમાં ગૂગલમાં અંતર્ગત ડિઝાઇન, વિકાસકર્તા પ્લેટફોર્મ, ઉત્પાદન ઘટકો અને ઇન્ફ્રાસ્ટ્રક્ચર માટેની વિશાળ જવાબદારી સંભાળે છે. નવી છટણીને લઈને જાહેર કરાયેલા રિપોર્ટમાં દાવો કરવામાં આવ્યો છે કે હટાવેલી પોસ્ટમાંથી ઓછામાં ઓછી 50 પોસ્ટ, કેલિફોર્નિયાના સનવેલમાં કંપનીની ઓફિસમાં કાર્યરત એન્જિનિયરિંગ વિભાગોની છે.

કોસ્ટકટિંગના બહાને તાબડતોબ છટણી કરી

અગાઉ ગૂગલ દ્વારા કરવામાં આવલી છટણીમાં એક કે બે કર્મચારી સુધી સીમિત હતી, પરંતુ આ વખતે કંપનીએ એક આખી ટીમના કર્મચારીઓને જ નોકરીમાંથી છુટા કરી દીધા હતા. અહેવાલ મુજબ, ગૂગલે કોસ્ટકટિંગના બહાને પોતાની આખી પાયથન (Python) ટીમની છટણી કરી નાખી હતી. ઉલ્લેખનીય છે કે પાયથન ટીમ એન્જિનિયર્સનું એક ગ્રુપ છે, જે વિવિધ ઉત્પાદનોમાં વપરાયેલી પ્રોગ્રામિંગ લેંગ્વેજની ડિમાન્ડ સંભાળવાનું અને તેને સ્થિર રાખવાનું કામ કરે છે.

આ પણ  વાંચો - Google Chrome ના આ સેટિંગ્સને આજે જ કરો બંધ, નહીં તો થશે મોટું Scam

આ પણ  વાંચો - Instagram : એક મેસેજ અને બેંક એકાઉન્ટ થઈ શકે છે ખાલી! ઇન્સ્ટાગ્રામ પર ચાલતા રહ્યું છે આ કૌભાંડ

આ પણ  વાંચો - OnePlus નો આ પ્રીમિયમ ફોન 18 એપ્રિલે નવી સ્ટાઈલમાં થશે લોન્ચ