Business: હોળીના તહેવાર પર 60,000 કરોડથી વધુનો વેપાર થવાની આશા

• હોળીના તહેવાર પર 60 હજાર કરોડ વેપારની આશા
• હોળી લખેલા ટી-શર્ટની માગ વધી
• પિચકારી તેમજ હોળીની અન્ય વસ્તુઓ લોકોની ભીડ જામી

Business: કન્ફેડરેશન ઓફ ઓલ ઈન્ડિયા ટ્રેડર્સ (CAIT)ના રાષ્ટ્રીય મહાસચિવ અને ચાંદની ચોકના ભાજપના સાંસદ પ્રવીણ ખંડેલવાલે (BJP MP Praveen Khandelwal)જણાવ્યું હતું કે ગયા વર્ષની જેમ આ વખતે પણ વેપારીઓ (Business)અને ગ્રાહકોએ હોળી(Holi 2025) તહેવારના વેચાણમાં ચીની વસ્તુઓનો બહિષ્કાર કર્યો છે અને ભારતમાં ઉત્પાદિત (Holi Milan)માત્ર હર્બલ રંગો અને ગુલાલ, પિચકારી, ફુગ્ગા, ચંદન, પૂજા સામગ્રી, વસ્ત્રો અને અન્ય વસ્તુઓ મોટી સંખ્યામાં વેચાઈ રહી છે.

હેપ્પી હોળી લખેલા ટી-શર્ટની માગ વધી

જ્યારે મીઠાઈઓ, સૂકા ફળો, ભેટ વસ્તુઓ, ફૂલો અને ફળો, કપડાં, ફર્નિશિંગ ફેબ્રિક, કરિયાણા, FMCG ઉત્પાદનો, કન્ઝ્યુમર ડ્યુરેબલ્સ અને અન્ય ઘણા ઉત્પાદનોની પણ બજારોમાં ખૂબ માગ છે. ગ્રાહક ખર્ચમાં વધારાને કારણે વિવિધ વ્યવસાયિક ક્ષેત્રોમાં હોળી તહેવારનું વેચાણ ઝડપથી વધી રહ્યું છે. લોકો રંગો સાથે રમવા માટે સફેદ ટી-શર્ટ અને કુર્તા-પાયજામા, સલવાર સુટની માગ કરી રહ્યા છે. તે જ સમયે, બજારમાં હેપ્પી હોળી લખેલા ટી-શર્ટની માગ પણ સતત વધી રહી છે.

આ પણ  વાંચો -Share Market Closing: શેરબજાર ફ્લેટમાં બંધ,આ શેરમાં જબરદસ્ત ઉછાળો

60,000 કરોડથી વધુનો વ્યવસાય થવાની ધારણા

ખંડેલવાલે જણાવ્યું હતું કે ભારત તહેવારોનો દેશ છે અને દરેક તહેવાર કે કોઈપણ ધાર્મિક કાર્યક્રમ ચોક્કસપણે વ્યવસાયમાં વધારો કરે છે. હોળીથી આર્થિક પ્રવૃત્તિઓને વેગ મળવાની અપેક્ષા છે, ખાસ કરીને સ્થાનિક વ્યવસાયો, નાના વેપારીઓ, નાના ઉદ્યોગો અને MSME ક્ષેત્રને ફાયદો થશે. આ હોળી દેશભરના વેપારીઓ અને છૂટક વેપારીઓ માટે પણ ફાયદાકારક સાબિત થશે. CAITના ડેટા અનુસાર આ વર્ષે હોળીના તહેવારથી વેપારીઓ માટે રૂપિયા 60,000 કરોડથી વધુનો વ્યવસાય થવાની ધારણા છે, જે ગયા વર્ષ કરતા લગભગ 20% વધુ છે. ગયા વર્ષે આ ધંધો લગભગ 50 હજાર કરોડ રૂપિયાનો હતો. એક અંદાજ મુજબ, ફક્ત દિલ્હીના બજારોમાં જ 8 હજાર કરોડ રૂપિયાથી વધુનો વેપાર થવાની શક્યતા છે.

પિચકારી તેમજ હોળીની અન્ય વસ્તુઓ ખરીદવા માટે લોકોની ભીડ

ખંડેલવાલે માહિતી આપી હતી કે આ વર્ષે પણ દિલ્હી સહિત દેશભરમાં હોળીની ઉજવણી મોટાપાયે યોજાઈ રહી છે, જેના કારણે બેન્ક્વેટ હોલ, ફાર્મ હાઉસ, હોટલ, રેસ્ટોરન્ટ અને જાહેર ઉદ્યાનોમાં હોળીની ઉજવણી માટે લાંબી કતાર લાગી રહી છે. ફક્ત દિલ્હીમાં જ નાના-મોટા 3 હજારથી વધુ હોળી મિલન ઉજવણીનું આયોજન કરવામાં આવી રહ્યું છે અને તમામ કાર્યક્રમોમાં ભાગ લેનારા લોકોના ચહેરા પર ખુશી અને ઉત્સાહનું નવું વાતાવરણ જોવા મળી રહ્યું છે. મોટી સંખ્યામાં વ્યાપારી, સામાજિક, સાંસ્કૃતિક અને ધાર્મિક સંગઠનો હોળી મિલન ઉજવણીનું આયોજન કરી રહ્યા છે.

આ પણ  વાંચો -Share Market: તેજી સાથે ખૂલ્યા બાદ માર્કેટ લાલ નિશાનમાં બંધ,સેન્સેકમાં 217 પોઈન્ટ તૂટયો

દિલ્હીના તમામ જથ્થાબંધ બજારો સંપૂર્ણપણે શણગારેલા છે

હોળીનો તહેવાર નજીક આવતાની સાથે જ દિલ્હીના તમામ જથ્થાબંધ અને છૂટક બજારો સંપૂર્ણપણે શણગારેલા છે. બધા બજારો ગુલાલ અને પિચકારી તેમજ હોળીની અન્ય વસ્તુઓ ખરીદવા માટે લોકોની ભીડથી ભરેલા હોય છે. હોળી ફક્ત રંગોનો તહેવાર નથી પણ ખોરાક અને સ્વાદિષ્ટ વાનગીઓનો પણ તહેવાર છે. મીઠાઈની દુકાનો મોટાપાયે ગુજિયા વગેરે વેચી રહી છે, જે ખાસ કરીને હોળી માટે બનાવવામાં આવે છે.

બજારમાં દુકાનો રંગબેરંગી ગુલાલ અને પિચકારીઓથી શણગારવામાં આવી

ખંડેલવાલે જણાવ્યું હતું કે દિલ્હીમાં 13 માર્ચે હોળી પ્રગટાવવામાં આવશે, જ્યારે રંગોનો તહેવાર 14 માર્ચે ઉજવવામાં આવશે. બજારો પણ હોળીના રંગોથી રંગાયેલા જોવા મળે છે. બજારમાં દુકાનો રંગબેરંગી ગુલાલ અને પિચકારીઓથી શણગારવામાં આવી છે, ઉપરાંત ગુજિયા અને સૂકા ફળોના માળા પણ લગાવવામાં આવ્યા છે. બજારમાં (Business)ખરીદી માટે આવતા લોકોની સંખ્યા દિવસેને દિવસે વધી રહી છે. તેમણે કહ્યું કે હોળી પર સંબંધીઓને મીઠાઈ સાથે સૂકા ફળોના માળા લેવાની પરંપરાને કારણે લોકો ખરીદી માટે દુકાનો પર ભીડ કરતા રહ્યા. જેના કારણે બજારમાં ધમાલ મચી ગઈ છે.