Chandrayaan 3 ની સફળતા માટે દેશભરમાં પ્રાર્થના, ઠેર ઠેર યજ્ઞ, હોમ-હવનનું આયોજન

દેશની સાથે વિશ્વભરમાં વસતા ભારતીયો ચંદ્રના દક્ષિણ ધ્રુવ પર ચંદ્રયાન-3ના સફળ લેન્ડિંગ માટે પ્રાર્થના કરી રહ્યા છે. અલગ-અલગ ધર્મના હોવા છતાં, લોકો દેશ માટે એકઠા થઈ રહ્યા છે અને તેમની માન્યતાઓ અનુસાર પ્રાર્થના કરી રહ્યા છે.

આ પ્રાર્થનાઓ ચંદ્રયાન-3ના સફળ લેન્ડિંગ માટે તો છે જ, પરંતુ સાથે દેશની એકતાનું ઉદાહરણ પણ સ્થાપિત કરી રહી છે. ઈન્ડિયન સ્પેસ રિસર્ચ ઓર્ગેનાઈઝેશન (ISRO) અનુસાર, ચંદ્રયાન-3 આજે ભારતીય સમયાનુસાર 18:04 વાગ્યે ચંદ્ર પર લેન્ડ કરવાનો પ્રયાસ કરશે.

#WATCH | Uttar Pradesh | People offer namaz at the Islamic Center of India in Lucknow for the successful landing of Chandrayaan-3, on August 23. pic.twitter.com/xpm98iQM9O

— ANI (@ANI) August 22, 2023

ઋષિકેશ પૂજા, લખનઉમાં નમાઝ

આજે સાંજે ચંદ્રયાન-3 લેન્ડિંગ પહેલાં ઋષિકેશના પરમાર્થ નિકેતન ઘાટ પર હાથમાં ત્રિરંગા સાથે ગંગા આરતી કરવામાં આવી હતી. ગંગા આરતી પહેલા હવન પણ કરવામાં આવ્યો હતો. તે જ સમયે, લોકોએ ઉત્તર પ્રદેશની રાજધાની લખનૌમાં ચંદ્રયાનના સફળ લેન્ડિંગ માટે ભારતના ઇસ્લામિક સેન્ટરમાં નમાઝ અદા કરી હતી.

#WATCH | Uttar Pradesh | Sadhus perform havan in Varanasi for the successful landing of Chandrayaan-3. pic.twitter.com/4RVpGPZX9D

— ANI (@ANI) August 23, 2023

મહાકાલેશ્વર મંદિર ખાતે ચંદ્રયાન-3 માટે વિશેષ 'ભસ્મ આરતી'
મધ્યપ્રદેશના ઉજ્જૈનમાં મહાકાલેશ્વર મંદિર ખાતે ચંદ્રયાન-3ના સફળ લેન્ડિંગ માટે વિશેષ 'ભસ્મ આરતી' કરવામાં આવી હતી. આ સિવાય ચંદ્રયાન-3ના ચંદ્ર પર સફળ લેન્ડિંગ માટે અમેરિકાના વર્જીનિયાના એક મંદિરમાં હવન કરવામાં આવ્યો હતો. અમેરિકાના ન્યુ જર્સીના મનરો ખાતે આવેલા ઓમ શ્રી સાંઈ બાલાજી મંદિર અને સાંસ્કૃતિક કેન્દ્રમાં ચંદ્રયાનની સફળતા માટે પ્રાર્થના પણ કરવામાં આવી હતી

#WATCH | Madhya Pradesh: Special 'Bhasma Aarti' performed at Shree Mahakaleshwar Temple in Ujjain, for the successful landing of #Chandrayaan3

According to ISRO, Chandrayaan-3 is all set to land on the Moon on August 23 at around 18:04 hrs IST. pic.twitter.com/TSTq7yoYQe

— ANI MP/CG/Rajasthan (@ANI_MP_CG_RJ) August 23, 2023

ચંદ્રયાન-3ની સફળતા માટે  પ્રાર્થના

અમેરિકાના સાઈ એ. શર્માએ કહ્યું, "આજે અમે ચંદ્રયાન-3ની સફળતા માટે હવન કરી રહ્યા છીએ. અમે લક્ષ્મીનરસિંહ સ્વામીને પ્રાર્થના કરી રહ્યા છીએ. અમે 'મહાગણપતિ હવન' પણ કરી રહ્યા છીએ. લક્ષ્મીનરસિંહ સ્વામીના આશીર્વાદથી આ મિશન સફળ થશે." તે જ સમયે, પ્રખ્યાત સેન્ડ આર્ટિસ્ટ સુદર્શન પટનાયકની ટીમે ચંદ્રયાન-3 મિશનને તેના ઉતરાણ પહેલા સેન્ડ આર્ટ બનાવીને શુભેચ્છા પાઠવી હતી.

ચંદ્રયાન-3ની સફળતા માટે ગાયત્રી યજ્ઞ કરાયો હતો અને આજે ચંદ્રયાનને લઈ પ્રાર્થના રાખવામાં આવી છે. આંધ્રપ્રદેશના હરીકોટાથી ઇસરો દ્વારા લોન્ચ કરાયું હતુ. લેન્ડિંગની સાથે જ આજે ભારત દેશનું ગૌરવ વિશ્વમાં વધારશે. સુરતની વિદ્યાકુંજ શાળાના વિદ્યાર્થીઓ દ્વારા પ્રાર્થના શરૂ કરાઈ હતી. વિઘ્નહર્તા ગણેશજી અને સંકટ મોચન હનુમાનજીની પ્રાર્થના કરવામાં આવી હતી.

જેલના કેદીઓ દ્વારા પ્રાર્થના

રાજપીપળા જિલ્લા જેલના કેદીઓ દ્વારા મિશન સફળ થાય તે માટે પ્રાર્થના કરવામાં આવી હતી. રાજપીપળા જિલ્લા જેલમાં આજે સવારે 10 કલાકે જેલના 159 કેદીઓ અને જેલના સ્ટાફ દ્વારા જેલ પરિસરમાં આવેલા મંદિરમાં પ્રાર્થના કરવામાં આવી હતી. દુનિયા સામે દેશનું અને દેશના વૈજ્ઞાનિકોનું નામ રોશન થાય અને આ મિશન સફળ થાય તે માટે તેવા હેતુથી જેલના સ્ટાફ અને કેદીઓ દ્વારા પ્રાર્થના કરવામાં આવી હતી.

આ  પણ  વાંચો -ચંદ્ર પર ચંદ્રયાન-3ના લેન્ડીંગના જંગમાં NASA અને ESAનો પણ ઇસરોને સાથ