Bharuch : લંપટ શિક્ષક સામે ફરિયાદ, શિક્ષકના મોબાઈલમાંથી અન્ય વિદ્યાર્થિનીઓના ફોટો પણ મળી આવ્યા
અહેવાલ -દિનેશ મકવાણા -ભરૂચ
ભરૂચ જિલ્લાના પગુથણ ગામની ખાનગી સ્કૂલમાં ડાન્સ શિક્ષકે શિક્ષણ જગતને લાંછન લાગે તેવું કૃત્ય કર્યું હોય અને નવરાત્રીમાં ધોરણ 7ની વિદ્યાર્થીનીના ઘરે પહોંચી તેના બેડરૂમમાં તેની સાથે અડપલા કરી પિતા ઘરમાં શોધવા આવતા શિક્ષક ભાગી ગયો હતો અને સોસાયટીના સીસીટીવી ચેક કરતા લંપટ શિક્ષકનો ભાંડો ફૂટી જતા સી ડિવિઝન પોલીસે લંપટ શિક્ષક સામે પોકસો અડપલા એક્ટ હેઠળ ગુનો દાખલ કરી ધરપકડ કરી લીધી છે
ભરૂચની એક સોસાયટીમાં રહેતો ધૃવિલ્સ કુમાર પટેલ પગુથણ ગામની ખાનગી સ્કૂલ ખાતે ડાન્સ શિક્ષક તરીકે ફરજ બજાવે છે અને તેણે શાળામાં ધોરણ 7માં અભ્યાસ કરતી વિદ્યાર્થીનીને નવરાત્રિના આઠમા દિવસે ફોન કરીને તેના ઘરે મળવા પહોંચ્યો હતો. સોસાયટીમાં ગરબા ચાલુ હોવાના કારણે માતા-પિતા પાસેથી ચાવી લઈ વિદ્યાર્થીની તેના ઘરે રૂમમાં પહોંચી હતી અને લંપટ શિક્ષક પણ ચોરી છુપી વિદ્યાર્થીનીના ઘરમાં બેડરૂમમાં ઘૂસ્યો હતો બંને ઘરમાં હતા તે દરમિયાન લાંબા સમયથી દીકરી સોસાયટીના ગરબામાં ન આવતા પિતા ઘરમાં તપાસ કરવા ગયા હતા
પિતા પોતાની દીકરીને ઘરમાં શોધી રહ્યા હતા તે દરમિયાન જ મોબાઇલ ચેક કરવામાં આવતા તેના મોબાઇલમાંથી શિક્ષક સાથેના તે રાત્રીના અને તે સમયના જ ફોટા મળી આવ્યા હતા જેના પગલે દીકરીના પિતા પણ ચોકી ઉઠ્યા હતા અને સોસાયટીના સીસીટીવી ચેક કરતા લંપટ શિક્ષક સીસીટીવીમાં જોવા મળ્યો હતો તપાસ દરમિયાન વિદ્યાર્થીનીના ઘરમાં બેડરૂમમાં જ લંપટ ડાન્સ શિક્ષકે વિદ્યાર્થીની સાથે શારીરિક અડપલા કરવા સાથે ગુપ્તાંગો ઉપર અડપલા કર્યા હોય તેઓ ભાંડો ફૂટ્યો હતો
ભોગ બનાના પિતાએ શાળા સંચાલકોને સૌપ્રથમ ઠપકો આપ્યો હતો અને ત્યારબાદ ભોગ બનનારના પિતાએ સી ડીવિઝન પોલીસ મથકમાં ફરિયાદ નોંધાવતા પોલીસે સ્કૂલના લંપટ ડાન્સ શિક્ષક ધૃવિલ્સ કુમાર પટેલ સામે અડપલા છેડતી સહિત પોક્સો એકટ હેઠળ ગુનો દાખલ કરાવતા પોલીસે લંપટ શિક્ષકની ધરપકડ કરી તેનો મોબાઇલ ચેક કરવામાં આવતા મોબાઇલ માંથી ફોટા ડીલીટ કરી નાખ્યા હોવાનો ભાંડો ફૂટ્યો હતો. પરંતુ શાળાની ઘણી બધી વિદ્યાર્થીનીઓના ફોટા મળી આવ્યા હોવાની માહિતી સામે આવી છે
વિદ્યાર્થીનીના મોબાઈલમાંથી લંપટ શિક્ષકનો ભાંડો ફૂટ્યો..
લંપટ શિક્ષક ધ્રુવિલ્સ પટેલે વિદ્યાર્થીનીને ફોન કરી કહ્યું મારે મળવું છે અને વિદ્યાર્થીની પોતાના ઘરની ચાવી લઈ સોસાયટીમાં ચાલતા ગરબા માથી પિતા પાસેથી ચાવી લઈ તેના રૂમમાં પહોંચતી હતી અને ત્યાં લંપટ શિક્ષક પણ પહોંચ્યો હતો દીકરીને શોધતા પિતા ઘરમાં જતા દીકરીના મોબાઇલમાં ચેક કરતા તે જ સમયના રાત્રી દરમિયાનના ફોટા સામે આવતા સમગ્ર ઘટનાનો ભાંડો ફૂટ્યો હતો અને લંપટ શિક્ષક ઘટના સ્થળેથી ભાગી ગયો હતો
ભોગ બનનારના પિતાએ પોતાની સોસાયટીના સીસીટીવી ચેક કરતા લંપટ શિક્ષકનો ભાંડો ફૂટ્યો..
આસો નવરાત્રિના આઠમના દિવસે ભોગ બનનારી સોસાયટીમાં ગરબાનું આયોજન હતું તે દરમિયાન શાળાના ડાન્સ શિક્ષકે વિદ્યાર્થીનીને ફોન કરીને મળવા માટેનું કહ્યું અને વિદ્યાર્થીનીએ પોતાના માતા પિતા પાસેથી ચાવી લઈ તેના ઘરમાં ગઈ હતી તે દરમિયાન શિક્ષક પણ ચોરી છુપી વિદ્યાર્થીનીના ઘરમાં ઘૂસ્યો હતો અને તે પિતા દીકરીને શોધી રહ્યા હતા તે દરમિયાન શિક્ષક પણ ભાગી ગયો હતો. પરંતુ વિદ્યાર્થીનીના મોબાઇલમાંથી ચોકાવનારા ફોટા સામે આવતા સમગ્ર મામલો પોલીસ માટે પહોંચ્યો હતો
લંપટ ડાન્સ શિક્ષક સામે સી ડિવિઝન પોલીસ મથકમાં ગુનો દાખલ..
લંપટ શિક્ષકનું કૌભાંડ સામે આવ્યું હતું અને વિદ્યાર્થીનીના પિતાએ ફરિયાદ નોંધાવતા લંપટ ડાન્સ શિક્ષક ધૃવિલ્સ કુમાર પટેલ સામે આઇપીસીની કલમ 354 (એ),354(ડી),451 તથા પોકસો એક્ટ 8,9(એફ),10,12 મુજબ ગુનો દાખલ કરી તેની ધરપકડ કરવામાં આવી છે
લંપટ ડાન્સ શિક્ષકના ચુંગલમાં હજુ કેટલીક વિદ્યાર્થીનીઓ ફસાય છે તે તપાસમાં આવી શકે છે
દિલ્હી પબ્લિક સ્કૂલના ડાન્સ લંપટ શિક્ષકની ગંભીર પ્રકારનું કૃત્ય સામે આવ્યું છે અને લંપટ શિક્ષકના મોબાઇલમાંથી અનેક વિદ્યાર્થીનીઓના ફોટા પણ મળી આવ્યા છે જેને લઈને શાળાની અન્ય કેટલી વિદ્યાર્થીનીઓ લંપટ ડાન્સ શિક્ષકની ચુંગલમાં ફસાઈ ચૂકી છે તે અંગે પણ તપાસ થાય તો નવાઈ નહીં અને હજુ પણ અન્ય વિદ્યાર્થીનીઓના માતા પિતા મેદાનમાં આવે તેવી આશંકાઓ સેવાઈ રહી છે
ભોગ બનનાર પીડિતાના ઘરમાંથી લંપટ શિક્ષક ભાગ તો હોવાના સીસીટીવી પણ પોલીસે મેળવ્યા..
આસો નવરાત્રીની આઠમે રાત્રિ દરમિયાન શાળાના ડાન્સ શિક્ષક વિદ્યાર્થીનીને ફોન કરી તેના ઘરે પહોંચ્યા હતા અને તેણી સાથે રૂમમાં કરી રહ્યો હતો પિતા ઘરમાં શોધવા જતા પીડીતાના પિતાને ચકમો આપી શિક્ષક પાછલા દરવાજે ભાગ્યો હતો અને ભોગ બનનાર નો મોબાઇલ ચેક કરતા પિતાને ચોંકાવનારા ફોટા ગણતરીને મિનિટના મળ્યા હતા જેના કારણે સોસાયટીના સીસીટીવી ચેક કરતા રૂમમાંથી શિક્ષક ભાગ્યો હોવાનું ફલિત થતાં સીસીટીવી પણ પોલીસે કબજે કરી કાર્યવાહી કરી છે
સ્કૂલ સંચાલકોએ મીડિયા સાથે મુલાકાત કરવાનું ટાળ્યું..
9 દિવસ પહેલા નવરાત્રિની આઠમે એક સ્કૂલ ડાન્સ શિક્ષક વિદ્યાર્થીનીને ફોન કરી તેના ઘરે તેણી સાથે અડપલા કરવા પહોંચ્યો હતો આ સમગ્ર ઘટનાના 9 દિવસમાં શાળા સંચાલકો પણ મૌન રહ્યા હતા અને શિક્ષકને સસ્પેન્ડ પણ કર્યો હોય તેવી માહિતી સામે આવી છે સમગ્ર ઘટનામાં શાળા સંચાલકોનું મંતવ્ય જાણવાના પ્રયાસ મીડિયાએ કર્યા હતા પરંતુ શાળા સંચાલકોએ મીડિયા સાથે મુલાકાત કરવાનું તાળું હતું અને કંઈ જ કહેવું નથી તેમ કહી પોતાની શાળાનો બચાવ કર્યો હતો જોકે શાળા સંચાલકો આ વાતને શું દબાવવાના પ્રયાસ કરતા હતા તેવી ચર્ચાઓ એ ભારે જોર પકડ્યું છે
આ પણ વાંચો -AHMEDABAD : PM નરેન્દ્ર મોદીના યોગદાનને પણ CM ભૂપેન્દ્ર પટેલે બિરદાવ્યું