Ahmedabad માં પ્રથમવાર અલ્ટિમેટ ટેબલ ટેનિસનું આયોજન, લીગની છઠ્ઠી સિઝનનો 29મેથી થશે પ્રારંભ
- અમદાવાદમાં પ્રથમવાર અલ્ટિમેટ ટેબલ ટેનિસનું આયોજન
- લીગની છઠ્ઠી સિઝનનો 29મેથી થશે પ્રારંભ
- 15 જૂને 8 ટીમોના ભવ્ય મુકાબલાઓ બાદ ફાઈનલ રમાશે
Ahmedabad: ભારતની ટોચની ટેબલ ટેનિસ લીગ (table tennis league)એવી અલ્ટિમેટ ટેબલ ટેનિસ (UTT)ની છઠ્ઠી સિઝન 29 મેથી 15 જૂન, 2025 દરમિયાન યોજાશે. લીગના ઈતિહાસમાં પ્રથમવાર તેનું આયોજન અમદાવાદ (Ahmedabad) ખાતે કરવામાં આવશે. યુટીટી લીગ (UTT league) સતત આગળ વધી રહી છે અને તેમાં ભારતના તથા વિદેશના શ્રેષ્ઠ ખેલાડીઓનું મિશ્રણ 8 ટીમોની અંદર જોઈ શકાય છે. જેમની વચ્ચે ટાઈટલ જીતવા માટે રોમાંચક મુકાબલાઓ જોવા મળશે.જેમાં ગત ચેમ્પિયન ગોવા ચેલેન્જર્સની (championsGoaChallengers)નજર ઐતિહાસિક ત્રીજા ટાઈટલ પર રહેશે.
Indian Premier League, 2025
Mar 23, 03:30 pm
T20 | Rajiv Gandhi International Cricket Stadium, Hyderabad
Mar 23, 07:30 pm
T20 | M. A. Chidambaram Stadium, Chennai
Mar 24, 07:30 pm
T20 | Dr. Y.S.Rajashekar Reddy Cricket Stadium, Visakhapatnam
Mar 25, 07:30 pm
T20 | Narendra Modi Stadium, Ahmedabad
Royal Challengers Bengaluru beat Kolkata Knight Riders by 7 wickets | Mar 22, 07:30 pm
T20 | RCB: 177/3(16.2), KKR: 174/8(20.0)
2030નું યુથ ઓલિમ્પિક અને 2036ની ઓલિમ્પિક ગેમ્સ સામેલ છે
અમદાવાદ ભારતની રમતની ઈકો સિસ્ટમમાં ઝડપભેર પોતાનું સ્થાન મજબૂત કરી રહ્યું છે. જ્યાં વિવિધ રમતો માટે વૈશ્વિક કક્ષાનું ઈન્ફ્રાસ્ટ્રક્ચર અને આવનારા સમયમાં મોટી આંતરરાષ્ટ્રીય ટૂર્નામેન્ટ યોજવાની મહત્વકાંક્ષા રહેલી છે. જેમાં, 2030નું યુથ ઓલિમ્પિક અને 2036ની ઓલિમ્પિક ગેમ્સ સામેલ છે. યુટીટીની છઠ્ઠી સિઝન શહેરમાં યોજાવવા જઈ રહી છે ત્યારે દર્શકો પાસે વૈશ્વિક સ્તરીય અને ઓલિમ્પિકમાં સામેલ રમતના ભારતીય અને આંતરરાષ્ટ્રીય ખેલાડીઓ વચ્ચેનાં રોમાંચક મુકાબલાઓને નજીકથી જોવાની તક મળશે.નીરજ બજાજ અને વીટા દાણી નેજા હેઠળ યોજાતી અને ટેબલ ટેનિસ ફેડરેશન ઓફ ઈન્ડિયાના માર્ગદર્શન સાથે યોજાતી યુટીટી લીગ એ 2017થી ભારતીય ટેબલ ટેનિસ જગતમાં ક્રાંતિ લાવવાનું કામ કર્યું છે, જે હેઠળ ઉભરતા ખેલાડીઓને વૈશ્વિક સ્તરે સ્થાપિત થયેલા ખેલાડીઓ સાથે રમવાની તક મળવાની સાથે રમતના રાષ્ટ્રીય સ્તરમાં પણ સુધારો થતો જોવા મળ્યો છે.
ભારતમાં ટેબલ ટેનિસ માટે વિશાળ દર્શક વર્ગ તૈયાર
યુટીટીના કો-પ્રમોટર્સ નીરજ બજાજ અને વીટા દાણીએ લીગના વિસ્તરણ પર વાત કરતા કહ્યું કે,"અમારા મુખ્ય લક્ષ્યાંકોમાંથી એક લીગને નવા સ્થળો સુધી લઈ જવાનો છે તથા ભારતમાં ટેબલ ટેનિસ માટે વિશાળ દર્શક વર્ગ તૈયાર કરવાનો છે. અમદાવાદ અને ગુજરાત ઓલિમ્પિક સ્પોર્ટ્સ માટે સ્પોર્ટિંગ હબ તરીકે ઓળખ બનાવી રહ્યાં છે. આ સાથે તેઓ આવનારા સમયમાં ઓલિમ્પિકની યજમાની માટે બીડ કરવાના છે. લીગની છઠ્ઠી સિઝનનું અમદાવાદમાં આયોજન કરી તે લક્ષ્યાંકને મજબૂતી આપી શકીશું.
વૈશ્વિક દિગ્ગજોને નવા સ્થળે લોકો નિહાળી શકશે. યુટીટી ભાવિ પેઢીના ખેલાડીઓ અને દર્શકોને પ્રેરિત કરવામાં મહત્ત્વપૂર્ણ ભૂમિકા ભજવી રહ્યું છે. અમે ટોચના ટેબલ ટેનિસ ખેલાડીઓને અમદાવાદમાં લાવવા ઉત્સુક છીએ. આ સાથે ભારતના વૈશ્વિક પાવર હાઉસ બનવાની યાત્રામાં યોગદાન આપવા ઉત્સાહિત છીએ.
આ પણ વાંચો -AFG vs AUS : લાહોરમાં મેઘરાજા બગાડી શકે છે મેચ! જો વરસાદ પડ્યો તો શું થશે? જાણો
યુટીટીની છઠ્ઠી સિઝન માટે એક શ્રેષ્ઠ સ્થળ સાબિત થશે
વર્ષ 2016માં કબડ્ડી વર્લ્ડ કપ અને 2019માં ઈન્ટરકોન્ટિનેન્ટલ કપ (ફૂટબોલ) નું જ્યાં આયોજન થયું હતું, તેવું એકા અરેના આ લીગની યજમાની કરશે. જે યુટીટીની છઠ્ઠી સિઝન માટે એક શ્રેષ્ઠ સ્થળ સાબિત થશે.ટેબલ ટેનિસ ફેડરેશન ઓફ ઈન્ડિયાના સેક્રેટરી, કમલેશ મેહતાએ કહ્યું કે,"અલ્ટિમેટ ટેબલ ટેનિસ એ ભારતમાં ટેબલ ટેનિસની પૃષ્ટભૂમિમાં ધરખમ ફેરફાર લાવવામાં મહત્ત્વપૂર્ણ ભૂમિકા ભજવી છે.
આ પણ વાંચો -Champions Trophy: ભારત-પાકિસ્તાન હજુ 3 વાર ટકરાશે આમને-સામને!
અમદાવાદ યુટીટીની છઠ્ઠી સિઝન માટે શ્રેષ્ઠ સ્થળ છે
આ દરમિયાન લીગ એ આપણાં ખેલાડીઓને વિશ્વના ટોચના ખેલાડીઓ સાથે અને સામે રમવાનું એક પ્લેટફોર્મ પુરું પાડ્યું છે. દરેક સિઝનમાં લીગની રમતના સ્તરમાં વધારો થયો છે. જેના કારણે પાયાના સ્તરે અને ઉચ્ચ કક્ષાએ પણ રમતમાં સુધારો જોવા મળ્યો છે. રમતના ઈન્ફ્રાસ્ટ્રક્ચરમાં આવી રહેલ મોટા રોકાણ તથા મોટી રમત ઈવેન્ટના સફળ ટ્રેક રેકોર્ડને જોતા અમદાવાદ યુટીટીની છઠ્ઠી સિઝન માટે શ્રેષ્ઠ સ્થળ છે. ભારત એક મજબૂત સ્પોર્ટિંગ કલ્ચર તૈયાર કરી રહ્યું છે ત્યારે ટેબલ ટેનિસની ટોચની લીગને નવા શહેરોમાં લઈ જવાથી રમતનો વિકાસ અને પહોંચમાં વધારો થશે.
લીગ રાઉન્ડમાં 5 મુકાબલાઓ રમશે
ભારતની સૌથી લાંબી ચાલતી ફ્રેન્ચાઈઝ બેઝ્ડ રમત અને છઠ્ઠી સિઝન સુધી પહોંચનાર રમત લીગમાંથી એક એવી યુટીટીમાં આ વખતે 8 ટીમોને 4-4નાં 2 ગ્રૂપમાં વહેંચવામાં આવશે. ટીમો લીગ રાઉન્ડમાં 5 મુકાબલાઓ રમશે, જેમાં પોતાના ગ્રૂપની 3 ટીમ સામે રમવા ઉપરાંત અન્ય ગ્રૂપની રેન્ડમલી પસંદ કરવામાં આવેલ કોઈપણ 2 ટીમ સામેના મુકાબલા સામેલ રહેશે. ટોચની 4 ટીમો નૉકઆઉટ રાઉન્ડમાં પહોંચશે, જ્યાં તેમની વચ્ચે 15 જૂને રમાનાર ગ્રાન્ડ ફિનાલેમાં પહોંચવા માટેના રોમાંચક મુકાબલા જોવા મળશે. દરેક ટીમ પાસે 2 વિદેશી સ્ટાર સહિત 6 ખેલાડીઓ રહેશે. ટીમ દરેક ટાઈમાં 5 મેચ રમશે- જેમાં 2 મહિલા સિંગલ્સ, 2 પુરુષ સિંગલ્સ અને મિક્સ્ડ ડબલ્સ સામેલ રહેશે. ગોવા ચેલેન્જર્સે ગત સિઝનમાં દબંગ દિલ્હી ટીટીસીને હરાવી સફળતાપૂર્વક પોતાનું ટાઈટલ બચાવ્યું હતું અને તે લીગના ઈતિહાસમાં 2 ટાઈટલ જીતનાર પ્રથમ ટીમ બની હતી.