અમદાવાદ શહેરમાં કોર્પોરેશન સંચાલિત 9 થી 12 ધોરણની નવી શાળાઓનું નિર્માણ થશે

જો સરકાર મંજૂરી આપશે તો આગામી દિવસોમાં અમદાવાદ શહેરમાં કોર્પોરેશન સંચાલિત 9 થી 12 ધોરણની નવી શાળાઓનું નિર્માણ થશે. વર્ષોથી કોર્પોરેશનની માધ્યમિક શાળા માત્ર પાંચ જ છે ત્યારે આ શાળાનું સંચાલન નગર શિક્ષણ સમિતિને સોંપવા તેમજ નવી માધ્યમિક શાળાઓ ખોલવા માટે સરકાર શ્રી ને પત્ર લખવામાં આવશે ગુરુવારે મળેલી સ્ટેન્ડિંગ કમિટીની બેઠકમાં આ બાબતનો નિર્ણય લેવામાં આવ્યો મ્યુનિસિપલ સ્કૂલ બોર્ડ દ્વારા 469 શાળાઓનું સંચાલન કરવામાં આવે છે. જેમાં એક લાખ 60 હજાર કરતા વધુ વિદ્યાર્થીઓ છે. પ્રાથમિક શાળાઓ તો મોટા પાયે છે પરંતુ માધ્યમિક શાળા માત્ર પાંચ જ છે જેમાં 1000 વિદ્યાર્થીઓ અભ્યાસ કરે છે.

આ શાળાનાં સંચાલનની જવાબદારી એક અધિકારીને સોંપવામાં આવી છે. વર્ષોથી આ શાળાની સંખ્યાઓમાં કોઈ વધારો થયો નથી તેમજજોઈએ તેવું ધ્યાન આપી શકાતું નથી ત્યારે શાળાઓની જવાબદારી પણ સ્કૂલ બોર્ડને સોંપવામાં આવે અને નવી શાળાઓ બનાવવામાં આવે જેથી કરીને એક થી આઠ ધોરણ ભણીને આવતા બાળકો આગળ સરકારી શાળામાં એડમિશન લઈ આગળ વધી શકે ડ્રોપાઉન્ડ રેશીયો ઘટે તે માટે આ પ્રકારનો નિર્ણય કરાયો છે.

આ પણ વાંચો - માઉન્ટ આબુમાં શરદ મહોત્સવનો આજથી ત્રિદિવસીય પ્રારંભ