AMTSનો ડ્રાઈવર પિધેલી હાલતમાં ઝડપાયા બાદ તંત્ર સફાળું જાગ્યું, સૌથી પહેલા કર્યું આ કામ

AMTS બસનો ડ્રાઈવર ગઈકાલે નશાની હાલતમાં બસ ચલાવતો ઝડપાયો હતો. બસમાં સવાર જાગૃત નાગરિકોએ બસ ઉભી રખાવી વીડિયો વાયરલ કર્યાં બાદ હવે તંત્ર સફાળું જાગ્યું અને આજે સવારે તમામ ડ્રાઈવરોનું બ્રેથ એનેલાઈઝર દ્વારા ચેકિંગ હાથ ધરાયું હતું.

ગઈકાલે બનેલ કિસ્સાથી ક્યાંક અમદાવાદ મ્યુનિસિપલ કોર્પોરેશનની (AMC) આંખ ખુલી છે. આજે વહેલી સવારે સારંગપુર ખાતે આવેલા ડેપોમાં તમામ ડ્રાઈવરોનું ચેકીંગ કરવામાં આવ્યું. તમામ ડ્રાઈવેરોનું બ્રેથ અનેલાઇઝરથી ચેકીંગ હાથ ધરવામાં આવ્યું.

તંત્ર નું કેહવું છે કે થોડો સમયમાં આ રીતે ટેસ્ટિંગ કરતા રહીયે છીએ. પરંતુ પ્રશ્ન અહીં એ ઉભો થાય છે કે થોડા થોડા સમયે શા માટે ચેકીંગ કરવામાં આવે છે. શા માટે રોજ આ કાર્યવાહી કરતી નથી. 50 થી પણ વધુ મુસાફરો એક બસ માં મુસાફરી કરે છે, તો શા માટે તંત્ર કોઈ કડક પગલાં લેતું નથી.

તંત્ર માટે મુસાફરોના જીવનું કોઈ મૂલ્ય નથી. ગઈ કાલે બનેલી ઘટના બાદ આજે કેમ ચેકીંગ હાથ ધરાયુ? શા માટે પેહલાથી જ આ નિયમોનું પાલન ન કરાયું. વહેલી સવારે જયારે ચેકીંગ કરવા ટીમ પોહચી ત્યારે હાજર અધિકારી દ્વારા કહેવામાં આવ્યું કે અમે રોજ આ પ્રકારે ડ્રાઈવરની તાપસ કરીયે જ છીએ તો પ્રશ્ન એ થાય છે કે કાલની ઘટના કઈ રીતે બની? જો આમ જ તંત્ર આંખ આડા કાન કરીને સરકારી પરિવહન માં ધ્યાન નહિ આપે તો અનેક લોકોના જીવ જોખમમાં મુકાશે અને ખોટમાં ચાલતા પરિવહનનો ઉપયોગ પણ આમ જનતા કરવાનું ટાળશે.

આ પણ વાંચો - SVPI એરપોર્ટ પર નવી બેગેજ સિસ્ટમ ટૂંક સમયમાં સંપૂર્ણ થશે કાર્યરત