શિવાજી મહારાજની વાંધાજનક પોસ્ટ પર વિવાદ, પોસ્ટ મુકનાર પત્રકાર સામે કાયદાકીય કાર્યવાહી અને સજાની કરાઈ માંગ

અમદાવાદ કલેક્ટર ઓફીસ ખાતે છત્રપતિ શિવાજી રાજે ચેરીટેબલ ટ્રસ્ટ દ્વારા કાર્યર્તાઓએ વિરોઘ પ્રદર્શન કરી કલેક્ટરને આવેદનપત્ર આપ્યુ હતુ. સુત્રોચ્ચાર કરી રોષ વ્યક્ત કર્યો અને પત્રકાર દિલીપ પટેલ સામે કાયદાકીય કાર્યવાહી અને સજાની માંગણી કરવામા આવી હતી. 

છત્રપતિ શિવાજી રાજે ચેરીટેબલ ટ્રસ્ટ દ્વારા કાર્યકર્તાઓએ વિરોધ પ્રદર્શન કરી કલેક્ટરને આવેદનપત્ર આપ્યુ હતુ જેમાં જણાવવામા આવ્યુ છે કે પત્રકાર દિલીપ પટેલ દ્વારા તારીખ 3 -05-22 ના રોજ ફેસબુક ઉપર એક પોસ્ટ કરવામા આવી અને તેમાં મૂકવામાં આવ્યુ હતુ કે શિવાજીના અત્યાચારો અને લૂંટ બાદ હવે મરાઠી સમાજના ચંદ્રકાંત પાટીલ ઉર્ફે સી.આર. પાટીલના અત્યાચારો અને લૂંટ, મરાઠી પાટીલને બદલો" જેવી વાંધાજનક તેમજ ભારતના વીર સપુત  છત્રપતિ શિવાજી મહારાજ વિરૂધ્ધ અમદુ ટીપ્પણી કરેલ છે. આ કામના આરોપી એક પત્રકાર હોય અને ભણેલ ગણેલ હોય અને પત્રકાર જેવા સમ્માનીય પદ પર કાર્યરત હોય તો તેઓને આવી અભદ્ર ટીપણી અને પુરાવા વગર કોઈ  વિરુદ્ધ ટિપ્પણી કરવી યોગ્ય જણાતી ન હોય જેથી તેઓના વિરુદ્ધમાં યોગ્ય કલમોનો આધિન ગુનો દાખલ કરવા નમ્ર અરજ છે.