મહિન્દ્રા એન્ડ મહિન્દ્રા તેના ઇલેક્ટ્રિક વ્હીકલ પોર્ટફોલિયોને વધારવાની તૈયારી કરી રહી છે. એવા સમાચાર છે કે કંપની ટૂંક સમયમાં તેની નવી ઇલેક્ટ્રિક SUV BE.05 રજૂ કરી શકે છે.

તાજેતરમાં મહિન્દ્રા BE.05 એક જાહેરાત શૂટ દરમિયાન જોવા મળી હતી. જેમાં SUV સંપૂર્ણપણે પ્રોડક્શન તૈયાર હાલતમાં જોવા મળે છે.

મીડિયા રિપોર્ટ્સ અનુસાર, કંપની તેને 26 નવેમ્બરે માર્કેટમાં લોન્ચ કરી શકે છે. આ SUVનું પ્રોડક્શન પૂણે નજીક ચાકન સ્થિત પ્લાન્ટમાં કરવામાં આવશે.

BE.05 એ કંપનીની નવી ડિઝાઇન ફિલોસોફી પર બનેલી પાવરફુલ ઇલેક્ટ્રિક SUV હશે. તેમાં સી આકારની લાઇટિંગ યુનિટ અને મોટી ફ્રન્ટ ગ્રીલ આપવામાં આવશે.

સ્લીક બોડી પેનલ્સ, સ્પોર્ટી એરો-સ્ટાઈલ એલોય વ્હીલ્સ, સ્માર્ટ ડોર હેન્ડલ્સ, પિયાનો બ્લેક રૂફ, મસ્ક્યુલર વ્હીલ આર્ક તેના લુક અને ડિઝાઇનને વધુ અદભૂત બનાવશે.

કેબિનમાં ફ્યુચરિસ્ટિક ડિઝાઇન જોઈ શકાય છે. તેના ડેશબોર્ડમાં મોટી ટચસ્ક્રીન ઈન્ફોટેનમેન્ટ સિસ્ટમ તેમજ ડ્રાઈવર માટે સ્ક્રીન આપવામાં આવી શકે છે.

શક્ય છે કે તેના ઈન્ટિરિયરમાં ઓછામાં ઓછા બટન આપવામાં આવ્યા હોય. એવિએશન સ્ટાઈલ કેબિનમાં મોટાભાગની સુવિધાઓને ટચસ્ક્રીન અને સેન્સર દ્વારા નિયંત્રિત કરી શકાય છે.