કોરોનાની કોલર ટ્યૂન હવે તમને સાંભળવા નહીં મળે, સરકાર આ કારણોસર કરી રહી છે બંધ

કોવિડ-19 અંગે જાગૃતિ ફેલાવવા માટે કોલર ટ્યુન બાય ડિફોલ્ટ વગાડવાનું બંધ
કરવામાં આવશે. સત્તાવાર સૂત્રોને ટાંકીને એક અહેવાલમાં કહેવામાં આવ્યું છે કે હવે
કોરોનાના કેસ ખૂબ ઓછા આવી રહ્યા છે, તેથી સરકાર તેને બંધ કરવા જઈ રહી છે. કોવિડ-19 પર હવે કોઈ કોલર ટ્યુન હશે નહીં. તે
ટૂંક સમયમાં બંધ થવા જઈ રહી છે. એક દિવસ પહેલા, પીટીઆઈએ કહ્યું હતું કે લગભગ બે વર્ષ સુધી આ રોગ વિશે જાગૃતિ
ફેલાવ્યા પછી ફોન પરથી કોવિડ-19 પ્રી-કોલ ઘોષણાઓ બંધ કરવાનું વિચારી રહ્યું છે. જો કે હજુ સુધી
ભારત સરકાર દ્વારા આ અંગે કોઈ સત્તાવાર જાહેરાત કરવામાં આવી નથી.

માર્ચ 2020 થી જ્યારે કોરોના વાયરસને રોગચાળા તરીકે જાહેર કરવામાં આવ્યો હતો, ત્યારે સરકારે તમામ ટેલિકોમ ઓપરેટરોને તેની ઘોષણા સુનિશ્ચિત કરવા
નિર્દેશ આપ્યો છે. સરકારે કહ્યું હતું કે કોવિડ જાગૃતિ સંબંધિત આ જાહેરાત કોલર
ટ્યુન તરીકે વગાડવી જોઈએ, જ્યારે કોઈ ફોન વપરાશકર્તા કોઈને કૉલ
કરે છે. શરૂઆતમાં બોલિવૂડના
મહાનાયક અમિતાભ બચ્ચનનો અવાજ સંભળાતો હતો. કોલર ટ્યુનનો હેતુ ફેસ માસ્ક પહેરવા, હેન્ડ સેનિટાઈઝરનો ઉપયોગ કરવા અને વાયરસના ચેપના દરને ઘટાડવા માટે
સામાજિક અંતર જાળવવા જેવા પગલાંને પ્રોત્સાહન આપવાનો હતો.