યશવંત સિન્હા બન્યા વિપક્ષના રાષ્ટ્રપતિપદના ઉમેદવાર, 19 પક્ષો મમતાના પ્રસ્તાવ સાથે સંમત

દેશના નવા રાષ્ટ્રપતિની ચૂંટણી 18 જુલાઈએ થવાની છે. વિપક્ષ તરફથી પૂર્વ કેન્દ્રીય મંત્રી યશવંત સિંહાને વિપક્ષ તરફથી રાષ્ટ્રપતિ પદના ઉમેદવાર જાહેર કરાયાં છે. સિંહાના નામની જાહેરાત પહેલા સવારે તેમણે ટ્વીટ કર્યું હતું કે મોટા રાષ્ટ્રીય હેતુ માટે મારે પાર્ટી સિવાય વિપક્ષી એકતા માટે કામ કરવું જોઈએ.

દેશના નવા રાષ્ટ્રપતિની ચૂંટણી 18 જૂલાઇએ થવાની છે. પરંતુ રાષ્ટ્રપતિ પદના ઉમેદવાર મુદ્દે સૌ કોઇની મીટ મંડાઇ છે. આવામાં સમાચારો સામે આવ્યાં છે કે પૂર્વ કેન્દ્રીય મંત્રી યશવંત સિન્હાને વિપક્ષે રાષ્ટ્રપતિ પદના કેન્ડિડેટ તરીકે જાહેર કર્યા છે. સિન્હા 27મી જૂને સવારે 11.30 વાગ્યે નોમિનેશન ભરશે. મંગળવારે વિપક્ષની બેઠકમાં ટીએમસીએ યશવંત સિન્હાનું નામ આગળ કર્યું, જેને 19 વિપક્ષી દળોનું સમર્થન મળ્યું. બેઠક પહેલા સિંહાએ ટ્વીટ કર્યું હતું કે ટીએમસીમાં તેમણે મને જે સન્માન અને પ્રતિષ્ઠા આપી છે તેના માટે હું મમતા બેનર્જીનો આભાર માનું છું. તેમણે વધુમાં કહ્યું કે હવે સમય આવી ગયો છે કે જ્યારે મોટા રાષ્ટ્રીય હેતુ માટે મારે પાર્ટી સિવાય વિપક્ષી એકતા માટે પણ કામ કરવું જોઈએ. 

સિંહાને અભિનંદન આપતાં પશ્ચિમ બંગાળના સીએમ મમતા બેનર્જીએ કહ્યું, "યશવંત સિંહાજીને આગામી રાષ્ટ્રપતિની ચૂંટણી માટે તમામ પ્રગતિશીલ વિપક્ષી પાર્ટીઓના સંયુક્ત ઉમેદવાર બનાવવા બદલ અભિનંદન. આગામી રાષ્ટ્રપતિની ચૂંટણી માટે તમામ વિરોધ પક્ષોના સંયુક્ત ઉમેદવાર તરીકે યશવંત સિન્હાજીને અભિનંદન. તે તીક્ષ્ણ બુદ્ધિના માણસ છે. તે કુશળ માણસ છે, જે ચોક્કસપણે તે મૂલ્યોને જાળવી રાખશે જે આપણા રાષ્ટ્રના હિતમાં છે. મળતી માહિતી મુજબ તૃણમૂલ કોંગ્રેસના ટોચના નેતાઓએ આ બાબતે ચર્ચા કર્યા બાદ સિંહાએ આ પ્રસ્તાવ પર સહમતિ દર્શાવી હતી. વિપક્ષની બેઠક બાદ દરખાસ્ત પર સહમતિ બની હતી. યશવંત સિન્હાએ બેઠક પહેલા એક ટ્વિટમાં મોટા રાષ્ટ્રીય કારણોસર પાર્ટીના કામમાંથી ખસી જવાની જાહેરાત પણ કરી હતી. 

શરદ પવાર, ફારૂક અબ્દુલ્લા અને ગોપાલ કૃષ્ણ ગાંધીએ વિપક્ષની આ ઓફરને ઠુકરાવી દીધી હતી. જેમાં મહાત્મા ગાંધીના પૌત્ર ગોપાલ કૃષ્ણ ગાંધીએ સોમવારે ચૂંટણી લડવા બદલ રાષ્ટ્રપતિ પદ માટે તેમનું નામ સૂચવવા બદલ વિપક્ષી નેતાઓનો આભાર માન્યો. આવી સ્થિતિમાં હવે વિપક્ષે યશવંત સિન્હાને મેદાનમાં ઉતારવાનો નિર્ણય કર્યો છે. જો કે  યશવંત સિંહા બીજેપી છોડીને ટીએમસીમાં જોડાયાં છે. 

અગાઉ વિપક્ષ નેશનલ કોન્ફરન્સના નેતા ફારુક અબ્દુલ્લાનું નામ આગળ વધારવાનો પ્રયાસ કરી રહ્યો હતો, પરંતુ ફારુકે એક નિવેદનમાં કહ્યું કે તેઓ મમતા બેનર્જીના આભારી છે કે તેમણે રાષ્ટ્રપતિની ચૂંટણી માટે તેમનું નામ આગળ વધાર્યું અને તેમના સમર્થનનું વચન આપનારા નેતાઓનો પણ આભાર માન્યો જો કે તેમણે  ઉમેદવાર બનવાની ના પાડી દીધી હતી.

 

આ પણ વાંચો - એકનાથ શિંદેનું ટ્વિટ, અમે બાળા સાહેબના મજબૂત શિવસૈનિક છીએ