શું કપિલ શર્મા શો બંધ થશે ? અનુપમાની આ કલાકારે કેમ છોડ્યો શો?

ટીવી ઈન્ડસ્ટ્રીમાં અત્યારે હલચલ મચી ગઈ છે. એક પછી એક એવા સમાચાર ચોક્કસ બહાર આવી રહ્યા છે, જે લોકોનું ધ્યાન પોતાની તરફ ખેંચવામાં સફળ થઈ રહ્યા છે. હાલમાં ટીવી ઈન્ડસ્ટ્રીના બે સૌથી મોટા સમાચારો સામો આવ્યાં છે. પ્રથમ સમાચાર કપિલ શર્મા શો સાથે સંબંધિત છે, જ્યારે બીજા સમાચાર રૂપાલી ગાંગુલીના સુપરહિટ ટીવી શો અનુપમા સાથે સંબંધિત છે. આ બંને સમાચારોએ ચાહકોમાં ખળભળાટ મચાવી દીધો છે. તો ચાલો જાણીએ આખરે શું છે સમગ્ર મામલો?

મીડિયા રિપોર્ટ્સમાં દાવો કરવામાં આવી રહ્યો છે કે કોમેડિયન કપિલ શર્માનો શો બંધ થઈ શકે છે. લોકોએ તેને ધ કાશ્મીર ફાઇલ્સ સાથે પણ લિંક કરવાનું શરૂ કરી દીધું છે જે ફિલ્મ આ શોમાં પ્રમોટ કરાઇ ન હતી, પરંતુ તમને જણાવી દઈએ કે એવું કંઈ નથી. વાસ્તવમાં કપિલ શર્માએ ઈન્સ્ટાગ્રામ પર પોતાની એક તસવીર શેર કરી છે. આ તસવીરની સાથે તેણે ખુલાસો કર્યો છે કે તે જૂન-જુલાઈ મહિનામાં યુએસ-કેનેડા ટૂર પર હશે. કપિલ શર્માની આ પોસ્ટ બાદ શો બંધ થવાના સમાચાર સામે આવ્યા હતા. હાલમાં, ટીવી કોરિડોરમાંથી એક જ સમાચાર આવી રહ્યા છે કે કપિલ ટૂંક સમયમાં તેનો શો બંધ કરવાની જાહેરાત કરી શકે છે.

અનુપમા અભિનેત્રી અનગા ભોસલેએ સોશિયલ મીડિયા પર ત્રણ પેજની નોટ શેર કરી છે. આ નોટમાં અભિનેત્રીએ જણાવ્યું છે કે તેણે અનુપમાને છોડવાનો નિર્ણય કેમ લીધો છે. અભિનેત્રીએ કહ્યું કે હવેથી તે આધ્યાત્મિકતા તરફ ઝુકાવશે અને આ કારણથી તેણે અભિનયની દુનિયાને અલવિદા કહી દીધું છે. ઉપરાંત, અભિનેત્રીએ તેના નિર્ણયને માન આપવા બદલ ચાહકોનો દિલથી આભાર માન્યો છે. અભિનેત્રીની આ પોસ્ટ પર અનુપમા અભિનેતા સુધાંશુ પાંડે, તસ્નીમ શેખ સહિત ઘણા લોકોએ અનઘાને તેની નવી સફર માટે અભિનંદન પાઠવ્યા છે.