'ધ ગ્રેટ ખલી' કરતાં પણ ઉંચી આ યુવતી ક્યાંની છે? જાણો

તુર્કી (Turkey)ની યુવતી રુમેસા ગેલ્ગી (Rumesa gelgii)આજ કાલ ચર્ચામાં છે તેની સૌથી વધું ઉંચાઇના કારણે. ઠીંગણા લોકો હંમેશા લઘુતાગ્રંથી અનુભવે છે અને તેઓ પોતાની ઉંચાઇ વધે તે માટે અવનવા પ્રયાસો કરતા રહે છે પણ તુર્કીની રુમેસા પોતાની વધુ ઉંચાઇથી પરેશાન છે. આવો જાણીએ આ યુવતીની કહાની

રુમેસાની ઉંચાઇ ભારતીય રેસલર દલીપ સિંહ રાણા ઉર્ફે 'ધ ગ્રેટ ખલી' (The Great Khali)કરતા પણ વધારે છે. રુમેસાની તેની ઊંચાઈના કારણે ઘણી વખત મજાક પણ ઉડાવવામાં આવી હતી. તેની લાંબી ઊંચાઈના કારણે રુમેસાનું નામ ઘણી વખત ગિનિસ બુક ઑફ વર્લ્ડ રેકોર્ડમાં પણ સામેલ થઈ ચૂક્યું છે. આ છોકરીને જિનેટિક ડિસઓર્ડર છે જેના કારણે તેની ઊંચાઈ આટલી વધી ગઈ છે. 

વિશ્વની સૌથી ઉંચી છોકરીનું નામ રુમેસા ગેલ્ગી છે, જે 25 વર્ષની છે. રુમેસા તુર્કીની છે અને તેની ઊંચાઈ 7 ફૂટ 7 ઈંચ છે જ્યારે દલીપ સિંહ રાણા ઉર્ફે 'ધ ગ્રેટ ખલી'ની ઊંચાઈ 7 ફૂટ 1 ઈંચ છે.

રુમેસા ત્રણ વર્લ્ડ રેકોર્ડ ધરાવે છે. જેમાં સૌથી લાંબી જીવતી કિશોરી, 4.4 ઇંચની જીવંત મહિલાની આંગળી અને 23.58 ઇંચની જીવંત મહિલાની સૌથી લાંબી પીઠનો વિશ્વ રેકોર્ડનો સમાવેશ થાય છે. આ સાથે રુમેસાએ સૌથી લાંબો હાથ પંજો રાખવાનો રેકોર્ડ પણ બનાવ્યો છે. તેનો જમણો હાથ 9.81 ઈંચ અને ડાબો હાથ 9.55 ઈંચ છે.

રુમેસા ચાલવા માટે વ્હીલચેર અથવા વૉકિંગ સ્ટીકનો ઉપયોગ કરે છે કારણ કે તે તેની ઊંચાઈને કારણે ઝડપે ચાલી શકતી નથી. તેમને પણ ધીમે ધીમે ખોરાક લેવો પડે છે, નહીં તો ખોરાક ગળામાં અટવાઈ જાય છે. આ સાથે તેમને શ્વાસ લેવામાં અને ઊભા થવામાં પણ ઘણી તકલીફ થાય છે.

રુમેસા કહે છે કે ઉંચી હોવાના કારણે તેની ખુબ મજાક ઉડાવામાં આવતી હતી. જો કે તેના પર કરાતી ટિપ્પણીના કારણે તે અંદરથી મજબૂત બની હતી. તે હવે કોઈપણ નકારાત્મક ટિપ્પણીનો સામનો કરી શકે છે. લોકોને જાગૃત કરતી વખતે તેણે કહ્યું કે જો કોઈને કોઈ ડિસઓર્ડર છે અને તે અન્ય લોકોથી અલગ છે તો તેને ડરવાની કોઈ જરૂર નથી. હું પણ નાનપણથી જ બીજા કરતા અલગ હતી. મારી ઊંચાઈ સામાન્ય કરતાં ઘણી લાંબી હતી. પરંતુ હવે હું ખુશ છું કે મેં ઘણા વર્લ્ડ રેકોર્ડ બનાવ્યા છે.

વીવર્સ સિન્ડ્રોમ એ એક દુર્લભ આનુવંશિક સ્થિતિ છે જેમાં હાડકાં સામાન્ય કરતાં વધુ ઝડપથી વધે છે. વીવર્સ સિન્ડ્રોમ ધરાવતા લોકો સામાન્ય રીતે ખૂબ ઊંચા હોય છે અને તેમના ચહેરાના સ્નાયુઓ પણ નોંધપાત્ર રીતે વધી શકે છે, જેમ કે પહોળી આંખો, લાંબુ નાક, પહોળું કપાળ વગેરે. ઘણા કિસ્સામાં આવા લોકોમાં વિચારવાની અને સમજવાની ક્ષમતા પણ ઘટી જાય છે. જો કે તેનો કોઈ ઈલાજ નથી, પરંતુ આ સ્થિતિ ધરાવતા લોકો સ્વસ્થ જીવન જીવી શકે છે.

આ ડિસઓર્ડર ત્યારે થાય છે જ્યારે જનીનોમાં પરિવર્તન થાય છે. વીવર સિન્ડ્રોમમાં સામેલ જનીન EZH2 જનીન છે. જ્યારે EZH2 જનીનનું પરિવર્તન થાય છે, ત્યારે હાડકાંની વૃદ્ધિ ઝડપી બને છે અને વ્યક્તિ સામાન્ય કરતાં ઉંચી થઈ જાય છે. આ જનીન સમગ્ર શરીરમાં અન્ય જનીનોને પણ અસર કરે છે, જે અન્ય લક્ષણોનું કારણ બની શકે છે.