અમેરિકાના સાંસદ Jackie Valorsky અને તેમના બે કર્મચારીઓનું રોડ અકસ્માતમાં મોત

અમેરિકાથી એક મોટા સમાચાર સામે આવી રહ્યા છે. મળી રહેલી માહિતી અનુસાર, રિપબ્લિકન પાર્ટીના નેતા અનેે સાંસદ જેકી વેલોર્સ્કી (Jackie Valorsky) અને તેમના બે કર્મચારીઓનું અમેરિકાના ઈન્ડિયાના રાજ્યમાં એક રોડ અકસ્માતમાં મોત થયું છે. આ માહિતી પોલીસે આપી હતી. આ અકસ્માત પર અમેરિકાના રાષ્ટ્રપતિ જો બાઇડેને શોક વ્યક્ત કર્યો છે.  

રિપબ્લિકન પાર્ટીના નેતા અને સાંસદ જેકી વેલોર્સ્કી (Jackie Valorsky) અને તેમના બે કર્મચારીઓનું અમેરિકાના ઈન્ડિયાના રાજ્યમાં માર્ગ અકસ્માતમાં મોત થયું છે. રિપબ્લિકન પાર્ટીના નેતા જેકી વાલોર્સ્કીએ યુએસ સંસદના નીચલા ગૃહ, હાઉસ ઓફ રિપ્રેઝન્ટેટિવ્સમાં ઇન્ડિયાના રાજ્યનું પ્રતિનિધિત્વ કર્યું હતું. એલ્ખર્ટ કાઉન્ટી શેરિફ ઓફિસે જણાવ્યું હતું કે અકસ્માત બુધવારે બપોરે 12:30 વાગ્યે થયો હતો, જ્યારે એક કાર નેશનલ હાઈવે પર તેની લેન ઓળંગી હતી અને વેલોર્સ્કીની એસયુવી સાથે અથડાઈ હતી.

અધિકારીઓના જણાવ્યા અનુસાર, જેકી વેલોર્સ્કી (58) સિવાય તેમના બે કર્મચારીઓ પણ એસયુવીમાં હાજર હતા. આ અકસ્માતમાં એસયુવી સાથે અથડાઈ રહેલી કારની મહિલા ડ્રાઈવરનું પણ મોત નીપજ્યું હતું. જેકી વેલોર્સ્કીના નિધનથી દરેક ઘણા દુખી છે. જેકી વેલોર્સ્કીના મૃત્યુ પર, તેના ચીફ ઑફ સ્ટાફ ટિમ કમિંગ્સે એક નિવેદનમાં કહ્યું, "તે તેના ભગવાન ઇસુ ખ્રિસ્ત પાસે ગઈ છે. કૃપા કરીને તેના પરિવાર માટે પ્રાર્થના કરો."

ગત મહિને 15 જુલાઈએ અમેરિકામાં 21 વાહનો અથડાયા હતા, જેના કારણે છ લોકોના મોત થયા હતા. અકસ્માત સમયે હવામાન ખરાબ હતું. ધૂળની ડમરીઓ ફૂંકાઈ રહી હતી. મોન્ટાના હાઇવે પેટ્રોલના સાર્જન્ટ જય નેલ્સને જણાવ્યું હતું કે, "એવું લાગે છે કે ધૂળના તોફાનને કારણે તીવ્ર પવન આવ્યો અને આ કારણે દૃશ્યતા ઘટીને શૂન્ય થઈ ગઈ હતી, જેના કારણે આ અકસ્માત થયો હતો."

આ પણ વાંચો - કેનેડા પોલીસની Most Violent ગેંગસ્ટર યાદીમાં 9 ભારતીય મૂળના પુરુષો