રાજનીતિના ચાણક્યએ અમદાવાદના આકાશમાં પેચ લડાવ્યા, કાર્યકર્તાઓમાં જોવા મળ્યો અનેરો ઉત્સાહ, એ કાપ્યો છે...! થી ગુંજ્યું આકાશ

અમદાવાદમાં સહિત સમગ્ર રાજ્યભરમાં ઉત્સાહ અને ધામધૂમથી ઉતરાયણની ઉજવણી કરવામાં આવી રહી છે. કેન્દ્રીય ગૃહમંત્રી અમિત શાહ પણ 2 દિવસ ગુજરાતના પ્રવાસે છે. કેન્દ્રીય ગૃહમંત્રી અમિત શાહે અમદાવાદમાં જગન્નાથજીના મંદિરે જઇને ભગવાનના દર્શન કર્યા હતા અને તે બાદ વેજલપુરમાં પતંગનો પેચ લડાવ્યો હતો. અમિતભાઈ શાહે વેજલપુરમાં વીનસ પાર્કલેન્ડ સોસાયટીમાં ઉત્તરાયણની ઉજવણી કરી હતી. 

તે સિવાય કેન્દ્રીય ગૃહમંત્રીશ્રી અમિત શાહે વંદે માતરમ, ગોતા વિસ્તારમાં આવેલી શુકન રેસીડન્સીમાં ઉતરાયણ પર્વની ઉજવાની કરી હતી. અહીં તેમણે બે પેચ કાપતા કાર્યકર્તાઓએ એ કાપ્યો છે અને જય શ્રી રામના નારા લગાવ્યા હતા. બીજી તરફ કેન્દ્રીય ગૃહમંત્રીશ્રીના આગમનથી સ્થાનિકોમાં ભારે ઉત્સાહ જોવા મળ્યો હતો. તેમની સાથે મુખ્યમંત્રીશ્રી ભૂપેન્દ્ર પટેલ પણ જોવા મળ્યા હતા. આ પહેલા મુખ્યમંત્રીશ્રી ભૂપેન્દ્રભાઇ પટેલે અમદાવાદના દરિયાપુરની નવા તળિયા પોળમાં ઉત્તરાયણની ઉજવણી કરી હતી. 

કલોલમાં ઉજવણી
જે બાદ કેન્દ્રીય ગૃહમંત્રીશ્રી અમિતભાઈ શાહે કલોલ ખાતે પૌરાણિક કપિલેશ્વર મહાદેવ મંદિરે દર્શન અને પૂજા કર અહીંથી કલોલના બોરીસણા ખાતે બપોરે 3.45 કલાકે સ્નેહ ગ્રીન ફ્લેટ ખાતે કલોલ વિધાનસભાના કાર્યકર્તાઓ સાથે પતંગ ચગાવીને પતંગોત્સવ મનાવ્યો હતો. ઉલ્લેખનીય છે કે, આજે સવારે 9.45 કલાકે અમિત શાહે સહપરિવાર જગન્નાથ મંદિરે ભગવાન જગન્નાથજીના દર્શન અને પૂજા કરી હતી. જે બાદ સવારે 10.30 કલાકે તેઓએ વેજલપુરમાં વેનસ પાર્કલેન્ડ ખાતે વેજલપુર વિધાનસભાના કાર્યકર્તાઓ સાથે પતંગોત્સવ મનાવ્યો હતો.

જણાવી દઈએ કે, કેન્દ્રીય ગૃહમંત્રીશ્રી અમિતભાઈ શાહ આજે ઘાટલોડિયા વિધાનસભા અને વેજલપુર વિધાનસભા વિસ્તારમાં ઉત્તરાયણ મનાવ્યા બાદ પરિવાર સાથે કલોલના કપિલેશ્વર મહાદેવ મંદિરે તેઓ પહોંચ્યા હતા ત્યાં પુજા અર્ચના કરી બાદ પતંગ ચગાવી રાજભવન પણ જવાના છે અને આવતીકાલે તેઓ વિવિધ કાર્યક્રમોમાં સામેલ થવાના છે.

આ પણ વાંચો - સીએમ ભૂપેન્દ્રભાઇ પટેલે દરિયાપુરની પોળમાં કરી ઉત્તરાયણની ઉજવણી