રશિયા અને યુક્રેન વચ્ચે યુધ્ધનું સંકટ દિવસે ને દિવસે વધી રહ્યું છે ત્યારે હવે રશિયાની સેના યુક્રેનમાં ઘૂસી ગઈ હોવાના સમાચાર સામે આવી રહ્યા છે જોકે આ બાબતની કોઈ પણ પ્રકારની સત્તાવાર પુષ્ટિ થઈ નથી. રશિયન પ્રમુખ વ્લાદિમીર પુતિનને તેમના દેશની બહાર લશ્કરી બળનો ઉપયોગ કરવાનો અધિકાર આપવામાં આવ્યા પછી યુક્રેન બુધવારે દેશવ્યાપી કટોકટીની સ્થિતિ જાહેર કરી.આ  દરમિયાન, પશ્ચિમી દેશોએ રશિયા સામે શ્રેણીબદ્ધ પ્રતિબંધોની જાહેરાત કરી હતી અને મોસ્કોએ યુક્રેનમાં તેના દૂતાવાસની જગ્યા ખાલી કરવામાં આવી હતી આ ઉપરાંત  રાજદ્વારી કર્મચારીઓને પણ પરત બોલાવી લેવામાં આવ્યા છે.

રશિયાના રાષ્ટ્રપતિ પુતિને યુક્રેનમાં સૈન્ય કાર્યવાહીનો આદેશ આપ્યો છે. આદેશ જાહેર કરતા પુતિને કહ્યું કે, જો યુક્રેન પીછેહઠ નહીં કરે તો યુદ્ધ થશે. પુતિને યુક્રેનની સેનાને જલદી શસ્ત્રો નીચે મૂકવાની ધમકી આપી, નહીં તો યુદ્ધ ટાળી શકાય નહીં.