બે વર્ષના દિકરાને ત્રીજે માળેથી નીચે ફેંક્યો, પોતે પણ લગાવી દીધી છલાંગ, બન્નેની હાલત ગંભીર

 દેશની રાજધાની દિલ્હીના કાળકાજી વિસ્તારમાં હચમચાવી દેનારી ઘટના સામે આવી છે.  જ્યાં એક વ્યક્તિએ ગુસ્સામાં આવીને તેના 2 વર્ષના પુત્રને ત્રીજા માળેથી નીચે ફેંકી દીધો. જે બાદ આરોપી પિતાએ પોતે પણ ત્રીજા માળેથી છલાંગ લગાવી દીધી. બંનેને ફેમિલી હોસ્પિટલમાં દાખલ કરવામાં આવ્યા હતા, જ્યાં તેમની સ્થિતિ નાજુક હોવાથી તેમને AIIMS ટ્રોમા સેન્ટરમાં રિફર કરવામાં આવ્યા છે.આ ઘટના શુક્રવારે સાંજે 4 વાગ્યે બની હતી.

ઘટના બાદ તરત જ પોલીસને જાણ કરવામાં આવી હતી. ઘટનાની જાણ થતાં પોલીસ ઘટનાસ્થળે પહોંચી હતી અને આસપાસના લોકો સાથે વાત કરી ઘટના પાછળનું કારણ જાણવાનો પ્રયાસ શરૂ કર્યો હતો. પિતાએ તેના 2 વર્ષના પુત્રને ત્રીજા માળેથી નીચે કેમ ફેંક્યો તેનું કારણ જાણી શકાયું નથી. હોસ્પિટલમાં પિતા-પુત્ર બંનેની હાલત ગંભીર છે.

શુક્રવારે સાંજે કાલકાજી પોલીસને ફોન પર માહિતી મળી હતી કે બે લોકો ત્રીજા માળેથી નીચે પડ્યા છે. ઘટનાની માહિતી મળતા જ પોલીસ તાત્કાલિક ઘટના સ્થળે પહોંચી ગઈ હતી. સૌપ્રથમ આ ઘટનામાં ઘાયલ પિતા-પુત્ર બંનેને સારવાર માટે હોસ્પિટલમાં દાખલ કરાયા હતા. પોલીસની પ્રાથમિક પૂછપરછમાં આસપાસના લોકોએ જણાવ્યું કે પિતાએ તેના 2 વર્ષના પુત્રને ત્રીજા માળેથી નીચે ફેંકી દીધો હતો. આ પછી આરોપી પિતાએ પણ તેની પાછળ ત્રીજા માળેથી છલાંગ લગાવી દીધી હતી. આ ઘટનામાં બંનેને ગંભીર ઈજાઓ પહોંચી છે. હાલમાં બંનેને એમ્સના ટ્રોમા સેન્ટરમાં દાખલ કરવામાં આવ્યા છે, જ્યાં તેમની હાલત નાજુક છે.

આ પણ વાંચોઃ બિલકિસ બાનોની 11 દોષિતોને વહેલા મુક્ત કરવાને પડકારતી અરજી સુ્પ્રીમ કોર્ટે ફગાવી