એલોન મસ્ક વિરુદ્ધ ટ્વિટરે કોર્ટમાં દાખલ કર્યો કેસ, જાણો શું છે કારણ
દુનિયાના સૌથી ધનિક અને ટેસ્લાના CEO એલોન મસ્ક વિરુદ્ધ ટ્વિટરે કોર્ટમાં કેસ દાખલ કર્યો છે. આ મામલે ટ્વિટરનું કહેવું છે કે, એલોન મસ્કે વચનનો ભંગ કર્યો છે. મહત્વનું છે કે, એલોન મસ્કે ટ્વિટરને ખરીદવા માટે $44 બિલિયનની ડીલ કેન્સલ કરી હતી. વિશ્વના સૌથી મોટા અમીર એલોન મસ્કે માઇક્રોબ્લોગિંગ સાઇટ ટ્વિટર સાથે $44 બિલિયનનો સોદો રદ કરવાની જાહેરાત કરી છે. પરંતુ ટ્વિટર તેને સરળતાથી છોડી દેવાના મૂડà
દુનિયાના સૌથી ધનિક અને ટેસ્લાના CEO એલોન મસ્ક વિરુદ્ધ ટ્વિટરે કોર્ટમાં કેસ દાખલ કર્યો છે. આ મામલે ટ્વિટરનું કહેવું છે કે, એલોન મસ્કે વચનનો ભંગ કર્યો છે. મહત્વનું છે કે, એલોન મસ્કે ટ્વિટરને ખરીદવા માટે $44 બિલિયનની ડીલ કેન્સલ કરી હતી.
વિશ્વના સૌથી મોટા અમીર એલોન મસ્કે માઇક્રોબ્લોગિંગ સાઇટ ટ્વિટર સાથે $44 બિલિયનનો સોદો રદ કરવાની જાહેરાત કરી છે. પરંતુ ટ્વિટર તેને સરળતાથી છોડી દેવાના મૂડમાં નથી. હવે સોશિયલ મીડિયા કંપની મસ્કને કોર્ટમાં ખેંચી ગઇ છે. મીડિયા રિપોર્ટ્સ અનુસાર, ટ્વિટરે આ માટે ન્યૂયોર્કની ટોચની લીગલ ફર્મ Wachtell, Lipton, Rosen & Karz LLPને હાયર કરી છે. આ કાયદાકીય લડાઈમાં પોતાનો બચાવ કરવા માટે મસ્કે પોતે તૈયારીઓ કરી લીધી છે. તેણે લો ફર્મ ક્વિન ઈમેન્યુઅલ ઉર્કહાર્ટ એન્ડ સુલિવાનને હાયર કરી હોવાનું કહેવાય છે. ટ્વિટર બોર્ડના અધ્યક્ષ બ્રેટ ટેલરે ટ્વીટ કર્યું છે કે, ડેલવેર કોર્ટ ઓફ ચાન્સરીમાં એલોન મસ્ક વિરુદ્ધ કેસ દાખલ કરવામાં આવ્યો છે.
Advertisement
Twitter sues Elon Musk over his termination of USD 44 billion takeover deal
Read @ANI Story | https://t.co/oCsAUCrEY3#ElonVsTwitter #ElonMusk #ElonMuskPullsOut #TwitterSuesElonMusk pic.twitter.com/ALCP5g75dc
— ANI Digital (@ani_digital) July 12, 2022
ન્યૂયોર્ક સ્થિત કાયદાકીય ફર્મ Wachtell, Lipton, Rosen & Karzનો આરોપ છે કે એલોન મસ્કે કરારના ભંગમાં ટ્વિટર સોદાને ટાળવાનો પ્રયાસ કર્યો હતો. ટ્વિટરે કહ્યું કે, મસ્કનો સોદો ખતમ કરવાનો પ્રયાસ અમાન્ય હતો કારણ કે મિસ્ટર મસ્ક અને તેના અન્ય સહયોગીઓએ જાણીજોઈને સોદાનું ઉલ્લંઘન કર્યું હતું. ટ્વિટરનો એવો પણ આરોપ છે કે, મસ્કે ટ્વિટર અને શેરધારકો પ્રત્યેની તેની જવાબદારીઓનું સન્માન કરવાનો ઇનકાર કર્યો હતો કારણ કે તેણે જે ડીલ પર હસ્તાક્ષર કર્યા હતા તે હવે તેના અંગત હિતોને પૂર્ણ કરતું નથી. મસ્ક સ્પષ્ટપણે માને છે કે તેઓ ડેલાવેર કરારના કાયદાને આધીન તમામ બીજા પક્ષથી વિરુદ્ધ પોતાનો વિચાર બદલવા, કંપનીને નુકસાન પહોંચાડવા, તેની કામગીરીમાં વિક્ષેપ પાડવા માટે સ્વતંત્ર છે.
જૂનની શરૂઆતમાં, એલોન મસ્કે ખુલ્લેઆમ માઇક્રોબ્લોગિંગ વેબસાઇટ પર મર્જર કરારનું ઉલ્લંઘન કરવાનો આરોપ મૂક્યો હતો અને સ્પામ અને નકલી એકાઉન્ટ્સ પર તેણે વિનંતી કરેલ ડેટા પ્રદાન ન કરવા બદલ ટ્વિટરનું સંપાદન બંધ કરવાની ધમકી આપી હતી. નોંધપાત્ર રીતે, એલોન મસ્કે લગભગ $44 બિલિયનના ટ્રાન્ઝેક્શનમાં ટ્વિટર સાથે $54.20 પ્રતિ શેરમાં સંપાદન કરાર કર્યો હતો. જોકે, મસ્કે મે મહિનામાં આ સોદો અટકાવ્યો હતો જેથી તેની ટીમ ટ્વિટરના દાવાની સચ્ચાઈની સમીક્ષા કરી શકે કે પ્લેટફોર્મ પરના 5% કરતા ઓછા એકાઉન્ટ બોગસ અથવા સ્પામ છે.
Twitter sues Elon Musk, asking a Delaware court to hold him to his $44 billion deal to buy the social media platform.
(File Pic) pic.twitter.com/0dr3GVhx9s
— ANI (@ANI) July 12, 2022
ઉલ્લેખનીય છે કે, મસ્કે શનિવારે ટ્વિટર સાથે $44 બિલિયનનો સોદો રદ કરવાની જાહેરાત કરી હતી. મસ્કની ટીમે ટ્વિટર પર એક પત્ર મોકલીને આની જાણકારી આપી હતી. તેમણે દાવો કર્યો હતો કે ટ્વિટરે આ ડીલની શરતોનું ઉલ્લંઘન કર્યું છે અને તેથી તે આ ડીલ કેન્સલ કરી રહ્યો છે. આ પછી ટ્વિટરના ચેરમેન બ્રેટ ટેલરે કહ્યું કે, ટ્વિટરનું બોર્ડ મસ્કની શરતો અનુસાર આ ટ્રાન્ઝેક્શનને પૂર્ણ કરવા માટે પ્રતિબદ્ધ છે. અમે તેને લાગુ કરવા માટે કોર્ટમાં જઈશું. તેમણે કહ્યું કે, કંપની આ કાયદાકીય લડાઈમાં જીતની સંપૂર્ણ આશા રાખે છે.
આ પણ વાંચો - રાષ્ટ્રપતિ ગોટાબાયાએ રાજીનામા પહેલા મૂકી શરત, કહ્યું- મને શ્રીલંકાથી સુરક્ષિત બહાર જવા દો
Advertisement