યુઝર્સને ઝટકો, Google ચાલુ વર્ષે તેની આ સર્વિસ હંમેશા માટે કરશે બંધ

વિશ્વની દિગ્ગજ ટેક કંપની Google તેની મેસેજિંગ સર્વિસ Hangoutને બંધ કરવા જઇ રહી છે. આ પછી યુઝર્સ આ સર્વિસનો ઉપયોગ કરી શકશે નહીં. મહત્વનું છે કે, કંપનીએ ફેબ્રુઆરીમાં જ વર્કપ્લેસ યુઝર્સ માટે આ સર્વિસ બંધ કરી દીધી હતી. વળી, હવે કંપનીએ Hangouts (Google Chat)ને સંપૂર્ણપણે બંધ કરવાનો નિર્ણય લીધો છે. 

Googleએ તેના બ્લોકમાં કહ્યું છે કે, ડેસ્કટોપ પર Hangoutsનો ઉપયોગ કરનારા લોકોને નવેમ્બર સુધીનો સમય આપવામાં આવ્યો છે. ઑક્ટોબરમાં, ડેસ્કટૉપ યુઝર્સને Hangoutsથી Chat પર ટ્રાન્સફર કરવાનો સંદેશ પણ આપવામાં આવશે. જો તમે હજી પણ Hangouts નો ઉપયોગ કરી રહ્યાં છો, તો Google Auto તમારા બધા વાર્તાલાપને ચેટ પર શિફ્ટ કરશે. નોંધનીય છે કે ફેબ્રુઆરી મહિનામાં જ ગૂગલે તેને વર્કસ્પેસના ઉપયોગ માટે બંધ કરી દીધું હતું. 

Googleના આ નવા નિર્ણય પછી, તે બધા યુઝર્સ કે જેઓ મોબાઇલ પર Hangoutsનો ઉપયોગ કરે છે તે ચેટમાં ખસેડવામાં આવશે. જોકે, જીમેલ અને વેબ દ્વારા મોબાઈલમાં Hangoutsનો ઉપયોગ કરનારા યુઝર્સને જુલાઈ સુધીનો સમય આપવામાં આવ્યો છે. Google ટૂંક સમયમાં તેની મેઇલ સર્વિસ એપ જીમેલમાં એક મોટું અપડેટ લાવવા જઈ રહ્યું છે, આ નવું અપડેટ આવ્યા બાદ જીમેલ યુઝર્સ સ્લો ઈન્ટરનેટ અને ઈન્ટરનેટ વગર પણ ઓફલાઈન મેસેજ શેર કરી શકશે. 

મહત્વનું છે કે, દુનિયાના કુલ મેઈલિંગ એપ નેટવર્કમાં જીમેલનો હિસ્સો 11 ટકા સુધી છે, દુનિયાના 70% થી વધુ લોકો ગૂગલની જીમેલ મેઈલ સર્વિસ એપનો ઉપયોગ કરે છે. આવા અપડેટ્સના આગમન પછી, ઘણા લોકોને ધીમા ઇન્ટરનેટ સાથે અથવા ઇન્ટરનેટ વિના પણ જીમેલનો ઉપયોગ કરવામાં કોઈ સમસ્યા નહીં થાય. ઘણી વખત એવું બને છે કે જ્યારે આપણે કોઈ દુર્ગમ વિસ્તારમાં જઈએ છીએ અને નેટવર્કના અભાવે, આપણને મેલ ટ્રાન્સફર કરવામાં ઘણી મુશ્કેલીઓનો સામનો કરવો પડે છે. જો કે, આ નવી અપડેટ આવ્યા બાદ આ તમામ સમસ્યાઓ દૂર થઈ જશે.

ઉલ્લેખનીય છે કે, Googleએ વર્ષ 2013માં તેની Hangouts સર્વિસ શરૂ કરી હતી, જે યુઝર્સમાં ઘણી લોકપ્રિય બની હતી. વળી, કંપનીએ માર્ચ 2022 માં Google Play Store પરથી આ સેવાને હટાવી દીધી હતી. જે બાદ તેને એપલ એપ સ્ટોર પરથી પણ હટાવી દેવામાં આવી હતી. જોકે, જેમના ફોનમાં પહેલાથી જ આ એપ્સ છે તેઓ હજુ પણ તેનો સરળતાથી ઉપયોગ કરી શકશે.

આ પણ વાંચો - હવે તમારા પાસવર્ડ યાદ રાખવાની જરૂર નહીં પડે, આ કામ કરશે ગુગલ, જાણો કેવી રીતે?