આમિર ખાનની દીકરી બર્થડે પર થઇ ટ્રોલ, જાણો શું છે કારણ?

આમિર ખાનની દીકરી ઈરા ખાન સોશિયલ મીડિયા પર ઘણી એક્ટિવ રહે છે. તે દરરોજ કંઈક સ્પેશિયલ મુવમેન્ટ તેના સોશિયલ મીડિયા ફેન્સ સાથે શેર કરતી રહે છે. તો પિતા આમિર ખાન પણ તેની પુત્રી સાથે સુંદર સમય વિતાવતો જોવા મળે છે. તાજેતરમાં ઈરા ખાને તેનો 25મો જન્મદિવસ તેના પિતા અને અભિનેતા આમિર ખાન, ભાઈ આઝાદ અને માતા રીના દત્તા સાથે ઉજવ્યો હતો. તેણે કેક કટિંગ અને જન્મદિવસની ઉજવણીની કેટલીક તસવીરો સોશિયલ મીડિયા પર અપલોડ કરી છે, જે હાલમાં ભારે વાયરલ થઈ રહી છે.

આ તસવીર ફેન પેજ પર અપલોડ કરવામાં આવી છે. તસવીરમાં ઈરાએ સ્વિમશૂટ પહેર્યું છે. આ દરમિયાન તેના પિતા આમિર ખાન અને ભાઈ આઝાદ પણ તેની સાથે જોઇ શકાય છે. તસવીરમાં ઇરા હંમેશની જેમ ખૂબસૂરત લાગી રહી છે. 

તેણે પોતાના પરિવારના સભ્યો સાથે પોતાનો જન્મદિવસ ઉજવ્યો અને કેક કાપી. મલ્ટી-કલર બિકીની અને ઇયરિંગ્સમાં ઇરા હંમેશની જેમ સ્ટાઇલિશ લાગી રહી હતી. આ દરમિયાન ઈરાની માતા રીના બ્લેક એન્ડ વ્હાઇટ આઉટફિટમાં સુંદર લાગી રહી હતી. પરિવાર સાથેની આ તસવીર કેટલાક લોકોને પસંદ આવી રહી છે તો કેટલાક લોકોએ ઈરાને ટ્રોલ કરવાનું શરૂ કરી દીધું છે. ઘણા યુઝર્સને તેના જન્મદિવસની તસવીરો સાથેનો ઈરાનો લુક પસંદ નથી આવ્યો. એક યુઝરે કહ્યું- તે પૂલ પાર્ટીનો જન્મદિવસ છે. જ્યારે બીજાએ કટાક્ષમાં લખ્યું કે- ખૂબ જ પારિવારિક વાતાવરણ લાગે છે. અન્ય એક વ્યક્તિએ લખ્યું- કોણ આવી રીતે જન્મદિવસ ઉજવે છે. જણાવી દઈએ કે આ પહેલા ઈરા ખાન ઈદ પર પણ તેના લુક માટે ઘણી ટ્રોલ થઈ હતી.

આ પહેલા ઈરાના બોયફ્રેન્ડ નુપુર શિખરે પણ તેના બર્થડે સેલિબ્રેશનની કેટલીક તસવીરો શેર કરી હતી. જેમાં તેણે લખ્યું, 'હેપ્પી બર્થડે માય લવ હું તને ખૂબ પ્રેમ કરું છું. પ્રથમ તસવીરમાં તે કેક કાપતા પહેલા મીણબત્તીઓ પ્રગટાવતી જોવા મળે છે, જ્યારે બીજી તસવીરમાં તે મીણબત્તીને ફુંક મારતી જોવા મળે છે.