તેલચોર ગેંગનો ફરી આંતક વધતા ટ્રાન્સપોર્ટ એસોસિએશનના અને ટ્રક માલિકો રજુઆત

કચ્છના(Kutch) ગાંધીધામ સંકુલથી સામખિયાળી સુધી ચોર લુટાંરા અને તેલચોર ગેંગનો ફરી આંતક વધી ગયો છે. પોલીસનો અંકુશ ઓછો થતાં વિવિધ ગુન્હાઓનું પ્રમાણ ચિંતાજનક હદે વધી ગયું છે.  તેમાં તેલચોરીની પ્રવૃતિ હવે વધવા સાથે રીતસર લુંટ કરવાની નારાજ ટ્રાન્સપોર્ટ જગતે આજે ગાંધીધામ પોલીસને કંડલા પોર્ટ બંધ કરી દેવાની ચીમકી ઉચ્ચારીને  કડક પગલા ભરવામાં આવે તેવી માગ કરી હતી. 

કંડલાથી પડાણા સુધીના માર્ગ પર સતત તેલચોરી તેમાં પણ હવે ટ્રકચાલકોને માર મારીને ડિઝલની લુંટ ચલવવાના વધતા બનાવો સાથે પોલીસ નિષ્ક્રીય હોવાની રજુઆત બાદ પણ કોઈ પગલા ભરાયા નથી. ખાસ કરીને થોડા દિવસો પહેલા પડાણા પાસેથી આ ગેગંની કાર ટ્રકમાલિકોને પકડી આપ્યા પછી પણ પોલીસે  હજુ કોઈ ચોકકસ સફળતા મેળવી નથી. આ વચ્ચે આજે મોટી સંખ્યામાં ગાંધીધામ લોકલ ટ્રાન્સપોર્ટ એસોસિએશનના અને ટ્રક માલિકો રજુઆત કરવા માટે SP કચેરીએ ધસી ગયા હતા.

ગાંધીધામ SP મહેન્દ્ર બગડિયા વ્યસ્ત હોવાનું જણાવીને નાયબ પોલીસવડા  એ. વી. રાજગોરે  આ પ્રતિનિધમંડળ સાથે વાતચીત કરી હતી. જેમાં કઈ રીતે ચોરી થાય છે. કઈ રીતે લુંટ થાય તેવી સવિસ્તાર માહિતી જાણીને નાયબ પોલીસવડા એક તબકકે આશ્ચર્યચકિત થઈ ગયા હતા. આ ઉપરાંત  આટલા બનાવો એક સાથે લોકો સંભળાવી રહયા છે. તો તેમાં ફરિયાદ કેમ નથી નોંધાઈ તેવા સવાલના જવાબમાં નાયબ પોલીસ વડા સમક્ષ ટ્રક માલિકોએ જણાવ્યું હતું કે, પોલીસ સ્ટેશન તમામ લોકો પહોંચ્યા છે. પણ ફરિયાદ લેવાતી નથી. સવારે જનારા ભોગ બનનારને સાંજ સુધી બેસાડી રાખી પછી સાદી અરજી લઈ લેવાય છે. એક તબક્કે તો PI કક્ષાના અધિકારીએ કહી દે છે કે તમારી ગાડીની રક્ષા તમે પોતે નથી કરી શકતા . 

આ તમામ બાબતો સામે આવ્યા પછી નાયબ પોલીસ વડા રાજગોરે ટ્રાન્સપોર્ટ ઉઘોગને પોલીસની કડક કામગીરીનો વિશ્વાસ અપાવીને સ્પષ્ટ કર્યું હતું. પોલીસની વાણ, વર્તન અને વૃતિ સ્પષ્ટ રીતે સલામતી અને કાયદો વ્યવસ્થાનું પાલન થાય તેમ રહેશે. જે કોઈ ફરિયાદો પલોીસ વિભાગની મળી છે. તેની સામે પણ પગલા ભરાશે અને હવે પછી તમામ ફરિયાદો નોંધાશે ઉપરાંત તેલચોર ગેગંને સબક શીખવવા માટે ખાસ એકશન લેવામાં આવશે. ટ્રાન્સપોર્ટ એશો. નવીન ઝરૂ, ધનજી આહીર શિવજી આહીર સહિતના આગેવાનો ઉપસ્થિત રહયા હતા.

આ પણ વાંચો : એક જ પરિવારના ત્રણ સભ્યો પર ભૂંડનો હુમલો, ધારાસભ્યએ પીડિત પરિવારની મુલાકાત લીધી