જમાના સાથે ટ્રેડિશન પણ બદલાયાં, અનુપમાના લગ્નમાં જૂતાની જગ્યાએ મોબાઇલની ચોરી

અનુજ અને અનુપમાની લવસ્ટોરી હવે લગ્નમાં ફેરવાઇ છે. શોમાં અનુજ-અનુપમાનો રોમાન્સ ફેન્સને ખૂબ જ પસંદ આવ્યો હતો. તેથી જ નિર્માતાઓએ બંનેના લગ્ન કરવાનો નિર્ણય લીધો હતો. ગઈકાલ સુધી વનરાજ અને સાસુ લીલા શાહના ટોણા સાંભળનારી અનુપમા હવે અનુજ કી દુલ્હનિયા બની ગઈ છે.

આજકાલ ફેમશ ટી.વી શો અનુપમામાં અનુપમા અને અનુજ કાપડિયાના લગ્નનો ટ્રેક ચાલી રહ્યો છે. ટીઆરપીમાં ટોપ મોસ્ટ શો અનુપમામાં હાલમાં માનના લગ્ન થઇ રહ્યાં છે. ત્યારે લોકોને પણ તે પસંદ પડી રહ્યો છે. શોના ચાહકો અનુપમા અને અનુજના લગ્નની આતુરતાથી રાહ જોઈ રહ્યા હતા. અનુપમા તેના લગ્નમાં અપ્સરા જેવી લાગતી હતી. સાથે જ અનુજ પણ વરરાજાના ડ્રેસમાં સુંદર દેખાઇ રહ્યો છે બંન્નેની જોડી પરફેક્ટ કપલ લાગી રહી છે. આ સાથે જ અનુપમાના લગ્નની તસવીરો પણ ઇન્ટરનેટ પર  ભારે વાયરલ થઇ રહી છે. હવે જોવાનું એ રહેશે કે શોમાં હવે આ નવી જોડી કેવી રીતે દર્શકોને  જોડીને તેમનું મનોરંજન કરશે.