આજે છે વિશ્વ યોગ દિવસ, જાણો ક્યારે થઇ શરૂઆત અને શું છે મહત્વ

યોગ એ એક એવી પ્રાચીન વિદ્યા છે જે મન અને શરીરને સ્વસ્થ રાખવા માટે શ્રેષ્ઠ માનવામાં આવે છે. વિશ્વ યોગ દિવસ દર વર્ષે 21 જૂને સમગ્ર વિશ્વમાં યોગ પ્રત્યે જાગૃતિ લાવવા માટે ઉજવવામાં આવે છે. યોગ દિવસ નિમિત્તે અહીં સંદેશ આપવામાં આવે છે કે યોગથી સ્વસ્થ રહી શકાય છે અને આ જ સંદેશને બધે જ આપવાના પ્રયાસો કરવામાં આવે છે.

આંતરરાષ્ટ્રીય યોગ દિવસ 2022 મંગળવાર, 21 જૂનના રોજ સમગ્ર વિશ્વમાં ઉજવવામાં આવે છે. યોગ ભારતીય સંસ્કૃતિ અને જીવન મૂલ્યો સાથે સંકળાયેલું છે. લોકોને સ્વસ્થ અને ખુશ રાખવા માટે યોગને ખૂબ જ અસરકારક માનવામાં આવે છે. અત્યારે સમગ્ર વિશ્વ યોગની શક્તિમાં માને છે. ભારતમાં સદીઓ પહેલાથી શારીરિક, માનસિક અને આધ્યાત્મિક વિકાસ માટે યોગનો અભ્યાસ કરવામાં આવે છે. વર્તમાન યુગમાં પણ વ્યક્તિ યોગાભ્યાસ દ્વારા જીવનશૈલીમાં સુધારો કરીને સ્વસ્થ રહી શકે છે.

આ પણ વાંચો - પોતે તડકો સહન કરી છાયો આપે તે છે પિતા