આજે છે વિશ્વ સિંહ દિવસ, કેમ મનાવવામાં આવે છે અને શું છે ઈતિહાસ?

સિંહ વિશે જાગૃતિ લાવવા માટે દર વર્ષે 10 ઓગસ્ટના રોજ વિશ્વ સિંહ દિવસ (World Lion Day) ઉજવવામાં આવે છે. સિંહને નિર્ભયતા અને આશાનું પ્રતીક માનવામાં આવે છે. તે આપણને યાદ કરાવે છે કે મુશ્કેલી ગમે તે હોય, આપણે હાર ન માનવી જોઈએ. તેથી જ તેને જંગલનો રાજા કહેવામાં આવે છે. પરંતુ તેની લુપ્ત થતી પ્રજાતિઓ ચિંતાનો વિષય જરૂર છે. 

લોકોમાં સિંહો વિશે જાગૃતિ લાવવા અને તેમના સંરક્ષણ માટે સમર્થન એકત્ર કરવા માટે દર વર્ષે 10 ઓગસ્ટના રોજ વિશ્વ સિંહ દિવસની ઉજવણી કરવામાં આવે છે. વિશ્વ સિંહ દિવસની ઉજવણી વર્ષ 2013 માં શરૂ કરવામાં આવી હતી, જેથી સિંહોની દુર્દશા અને તેમના વિષયમાં વૈશ્વિક સ્તરે વાત કરી શકાય અને લોકોમાં તેમના વિશે જાગૃતિ ફેલાવી શકાય. આ દિવસની ઉજવણીનું મુખ્ય કારણ જંગલી સિંહોની આસપાસ રહેતા લોકોને તેમના વિશે શિક્ષિત કરી શકાય અને તેમની લુપ્ત થતી પ્રજાતિઓને સુરક્ષિત અને સંરક્ષિત કરી શકાય. વિશ્વ સિંહ દિવસ 2013 થી દર વર્ષે 10 ઓગસ્ટના રોજ ઉજવવામાં આવે છે. લોકો સદીઓ પહેલાથી ગેરકાયદેસર રીતે સિંહોનો શિકાર કરતા આવ્યા છે અને આજે પણ કરે છે પછી તેને વૈશ્વિક બજારમાં વેચી દે છે. 

આ પણ વાંચો - ધ પ્રાઇડ કિંગ્ડમ-ગીરના એશિયાટિક સિંહો પર એક ભવ્ય શ્રેણી