પ્રદેશ ભાજપના ત્રણ મોરચાની કારોબારી 25મીએ ધોરડોમાં

 ક્ચ્છના ધોરડોની તંબુનગરીમાં ચાર મહિનાથી ચાલતા રણોત્સવની સમાપનની તૈયારી ચાલે છે ત્યારે તા. 25-2ના પ્રદેશ ભારતીય જનતા પાર્ટીના ત્રણ મોરચાની કારોબારીની બેઠકનું આયોજન કરવામાં આવ્યું છે. આ કારોબારીને પક્ષના પ્રદેશ અધ્યક્ષ સી.આર. પાટિલ સંબોધન કરવાના છે.

આ કારોબારીને પક્ષના પ્રદેશ અધ્યક્ષ સી.આર. પાટિલ સંબોધન કરવાના છે. પ્રદેશ કક્ષાના કિસાન, અનુ.જાતિ અને બક્ષીપંચ મોરચાની કારોબારી બેઠક ધોરડો ખાતેની તંબુનગરીમાં યોજાનાર છે. ત આખો દિવસ આ ત્રણેય મોરચાની કારોબારી બેઠક ચાલનાર છે. સંગઠન મુદે્ ચર્ચા થશે કેટલાક નિર્ણય પણ લેવામાં આવશે. ત્રણ સેશનમાં ચાલનારી બેઠકના અંતિમ સેશનને પ્રદેશ અધ્યક્ષ શ્રી પાટીલ સંબોધન કરશે જ્યારે પ્રદેશ મહામંત્રી રત્નાકરજી સહિત પ્રદેશ તથા જિલ્લાના સંગઠનના આગેવાનો હાજરી આપશે.  

આ કારોબારી બેઠકને લઈને તૈયારીઓ આરંભી દેવાઇ છે,ધોરડોની તંબુનગરીમાં આખરીઓપ આપવામાં આવી રહ્યો છે. એક દિવસીય બેઠકમાં મહત્વના નિર્ણય લેવામાં આવશે,લોકસભાની ચૂંટણીને લઈને પણ મહત્વની ચર્ચા કરવામાં આવશે.

પ્રદેશ મહામંત્રી વિનોદભાઈ ચાવડા પણ મહત્વનું માર્ગદર્શન આપશે

આ બેઠકમાં પ્રદેશ મહામંત્રી વિનોદભાઈ ચાવડા પણ મહત્વનું માર્ગદર્શન આપશે. આ કાર્યને સફળ બનાવવા માટે તમામ કાર્યકરો ધોરડો ખાતે જહેમત ઉઠાવી રહ્યા છે.આ પ્રદેશ કારોબારી મહત્વની માનવામાં આવે છે જેમાં અતિ મહત્વના પ્રશ્નોની ચર્ચા કરવામાં આવશે

આપણ  વાંચો-ગોંડલના યુવાનને કાગવડ પાસે રેલવે વીજ લાઈનનો કરંટ લાગતા મોત