દક્ષિણ ગુજરાતના વાતાવરણમાં આવ્યો પલટો, શેરડી-ચીકુની ખેતી કરતાં ખેડૂતોની વધી ચિંતા
સમગ્ર ગુજરાતમાં આં વર્ષે 2022માં કમોસમી વરસાદ અતિવૃષ્ટિથી ખેડૂતો પરેશાન થઈ રહ્યા છે ત્યારે ફરી એકવાર ચક્રવાતને લઈને ખેડૂતોની ચિંતામાં વધારો થયો છે. ચક્રવાત મૈંડુસને લઇ 12 અને 13 તારીખે દક્ષિણ ગુજરાતમાં વરસાદની આગાહી હવામાન વિભાગ દ્વારા કરવામાં આવી હતી. હાલ વરસાદ શરૂ થતાં કેરી, ચીકુ સહિત અન્ય પાકોમાં ભારે નુકશાન થવાની ભીતિ સેવાઈ રહી છે.
ખેડૂતો માટે પડ્યા પર પાટુ સમાન બની ગઈ છે
દક્ષિણ ગુજરાતમાં ફળ પાકએ ખેડૂતો માટે સોનું સમાન માનવામાં આવે છે. કારણકે આ ફળ પાકો સમગ્ર દેશમાં વખણાયેલા છે. હાલ ચીકુ પહેલેથીજ મોળા આવી રહ્યા છે ઉપરાંત આંબા પર ફળ આવવા સમયે વરસાદના ઝાપટા ખેડૂતો માટે પડ્યા પર પાટુ સમાન બની ગઈ છે.
વર્ષ 2022 માં કમૌસમી વરસાદ અતિવૃષ્ટિને લઈને આમ પણ ખેડૂતોને મોટા પ્રમાણમાં પાકમાં નુકસાન થયું છે એવામાં ફરી એકવાર કમસમી વરસાદથી ખેડૂતોમાં હાલ ચિંતા વધી છે. બાગાયતી વિસ્તાર ગણાતા એવા ગણદેવી અમલસાડ અને આસપાસના વિસ્તારોમાં ખેડૂતો પોતાના પાકને બચાવવા માટે અનેક ઉપાયો કરી રહ્યા છે.
આપણ વાંચો- બાપુનગરમાં બંદુકની અણીએ રૂ. 20 લાખની લૂંટ, લૂંટારો જાણભેદુ હોવાની પોલીસને આશંકા