યુવક બાઈક હોટલ બહાર પાર્ક કરી અંદર જમવા ગયોને શખ્સો બાઈક ઉઠાવી ગયા..

 રાજયમાં દિન પ્રતિદન ગુનાના કેસો વધી રહ્યા છે. ત્યારે ઊના શહેરમાં ચોરી, લૂંટ, ચિલઝડપ જેવી ઘટનાના કેસો સામે આવી રહ્યા છે. ગઇકાલે રાત્રે શહેરમાં રહેતા યુવાન પોતાની બાઇક હોટલ બહાર પાર્ક કરી હોટલમાં જમવા ગયા ત્યારે અજાણ્યા શખ્સોએ થોડી ક્ષણોમાં બાઇક ચોરી કરી નાશી છુટ્યા હતા.  જોકે આ સમગ્ર  ઘટના સીસીટીવી કેમેરામાં કેદ થઇ હતી.  યુવાને પોલીસમાં અરજી કરતા પોલીસે સીસીટીવી ફુટેજ આધારે તપાસ હાથ ધરી છે. 

 મહત્વનું છે કે મહેશભાઇ વંશના મહેમાનને જમાડવા  શહેરના વડલાચોક વિસ્તારમાં આવેલ અજમેરી હોટલમાં ગયા હતા  અને ત્યા પોતાની બાઇક નં જીજે. 11 એસએસ 0921 બહાર પાર્ક કરી અંદર જમવા ગયા ત્યારે હોટલ બહાર કોઇ અજાણ્યા ત્રણથી ચાર શખ્સોએ કાળા કલરનું ટી-શર્ટ  તેમજ લીલા કલરનું ટીશર્ટ પહેરેલું  હતું. જોકે  શખ્સોએ બાઇકની ઉઠાંતરી કરી નાશી ગયા હતા. આ સમગ્ર ઘટના સીસીટીવી કેમેરામાં કેદ  થઈ હતી. જે  અંગે મહેશભાઇ વંશે પોલીસમાં લેખિત અરજી કરતા પોલીસે સીસીટીવી ફુટેજ આધારે તપાસ હાથ  ધરી  છે.