આ કેસમાં ઝડપથી ન્યાય મળતા હર્ષ સંઘવીનો આભાર માનવા પહોંચ્યો સુરતનો પરિવાર, માત્ર 78 દિવસમાં અપાવી સજા

બે દિવસ પેહલા 7 વર્ષની બાળકી દુષ્કર્મ અને હત્યા મામલે આરોપીને ફાંસીની સજા સંભળાવવામાં આવી હતી. જેને લઈને આજરોજ ઓરિસ્સા સમાજ અને પીડિત પરિવારે ગૃહ રાજ્યમંત્રી જોડે મુલાકાત કરી તેમનો આભાર માન્યો હતો.

ઘટના 7 ડિસેમ્બરના રોજ બની હતી. ત્યારબાદ આ મામલે ઓરિસ્સા સમાજના લોકો અને પીડીત પરિવાર દ્વારા રોડ પર ચક્કાજામ કરવામાં આવ્યો હતો. તે સમયે ગૃહ રાજ્ય મંત્રીશ્રી હર્ષભાઇ સંઘવીએ  સમાજના આગેવાનો અને પીડિતાના પરિવાર જોડે વાતચીત કરી પરિવારને ઝડપ થી ન્યાય મળશે તેવું વચન આપ્યું હતું. જેથી પરિવારને બે દિવસ પહેલા આ મામલે ન્યાય મળતા આજરોજ ગૃહ રાજય મંત્રીનો આભાર માનવા માટે પહોંચ્યા હતા.જેમાં બાળકીના માતા-પિતા ભાવુક થઈ ગયા હતા. 

ગૃહ રાજ્યમંત્રીશ્રી હર્ષભાઇ સંઘવીએ કહ્યું કે  જે દિવસે ચૂંટણીનું પરિણામ હતું તે દિવસે જ સુરત શહેરના ચોક બજાર વિસ્તારમાં એક સાત વર્ષની બાળકી સાથે દુષ્કર્મ અને હત્યાનો બનાવ બન્યો હતો. હત્યાની ઘટના બનતા સમાજના સૌ આગેવાનોને મળવાનું થયું હતું. ત્યારે સમાજના આગેવાનોની માત્ર એક જ માગણી હતી કે,કે દોષિતને કોઈપણ એટલે કોઈ પણ પ્રકારની છૂટ ના મળે અને આ સાત વર્ષની બાળકીને તેમના પરિવારજનોને ન્યાય જરૂરથી મળવો જોઈએ.. અને ન્યાય મળવામાં સમયના લાગે તે માટે પોલીસ દ્વારા કડકમાં કડક પગલાં લેવામાં આવે અને ઝડપથી ચાર્જશીટ ફાઇલ કરીને ન્યાયિક પ્રક્રિયા આગળ વધે. ઘટના બન્યાના 78માં દિવસે જ આ બાળકીના પરિવારને ન્યાય અપાવવામાં સુરત પોલીસ અને ન્યાયતંત્રએ સફળતા મેળવી છે.

અત્યંત દુઃખદ ઘટનામાં સુરત પોલીસની આખી ટીમે રાત દિવસ મહેનત કરીને ગણતરીના દિવસોમાં જ કોર્ટમાં ચાર્જશીટ ફાઈલ કરી હતી.અને ચાર્જશીટ ફાઈલ કર્યાબાદ 78માં દિવસે જ આ બાળકીના પરિવારને ન્યાય અપાવવામાં સુરત પોલીસ અને ન્યાયતંત્રએ સફળતા મેળવી છે. માત્ર 78 દિવસમાં જ ગુનેગારને ફાંસીની સજાનો ચૂકાદો અપાવવાની જે ઝડપી ન્યાય પ્રક્રિયા છે, તેના કારણે આવનારા દિવસોમાં આ પ્રકારના ગુનેગારો ઉપર ડર બેસાડી શકાશે. 

આ પણ વાંચોઃ  બનાવટી ફર્મ ઉભી કરી સુરતના વેપારી સાથે કરોડોની છેતરપીંડી, મુખ્ય આરોપીને ઉત્તરપ્રદેશથી ઝડપી લેવાયો