મિડલ ઇસ્ટનો 'પાબ્લો એસ્કોબાર' મનાતો આ ડ્રગ માફિયાને અમેરિકાએ ગુપ્ત રીતે મુક્ત કર્યો

અફઘાનિસ્તાનમાં જેલમાં બંધ અમેરિકી નાગરિકની મુક્તિના બદલામાં અમેરિકાએ કુખ્યાત ડ્રગ માફિયા હાજી બશીર નૂરઝાઈ(Haji Bashir Noorzai)ને ગુપ્ત રીતે મુક્ત કર્યાો છે. મિડલ ઇસ્ટનો 'પાબ્લો એસ્કોબાર' મનાતો આ ડ્રગ માફિયાને અમેરિકન એન્જિનિયરના બદલામાં જેલમાંથી મુક્તિ મળી છે.

એવું કહેવામાં આવી રહ્યું છે કે અમેરિકાએ અફઘાનિસ્તાન જેલમાં બંધ એક અમેરિકન નાગરિકને છોડાવવાના બદલામાં કુખ્યાત ડ્રગ માફિયા હાજી બશીર નૂરઝઈને ગુપ્ત રીતે છોડી દીધો છે. તેની મુક્તિ ભારત સહિત અનેક દેશોની એજન્સીઓ માટે ચિંતાનો વિષય બની શકે છે. થોડાં વર્ષો પહેલાં જ્યારે દુનિયાના કોઈપણ ખૂણે ડ્રગ્સ પકડાતું ત્યારે સૌથી પહેલું નામ અફઘાન ડ્રગ માફિયા હાજી બશીર નૂરઝાઈનું નામ ગુંજતું હતું. આ એ માણસ છે જેને મિડલ ઇસ્ટનો 'પાબ્લો એસ્કોબાર' કહેવામાં આવે છે. બશીર લાંબા સમયથી અમેરિકાની જેલમાં બંધ હતો. ત્યાંની કોર્ટે તેને આજીવન કેદની સજા ફટકારી હતી. પરંતુ હાલમાં જ તેની મુક્તિના સમાચાર સામે આવ્યા છે.

એવું કહેવામાં આવી રહ્યું છે કે અમેરિકાએ અફઘાનિસ્તાન જેલમાં બંધ એક અમેરિકન નાગરિકને છોડાવવાના બદલામાં કુખ્યાત ડ્રગ માફિયા હાજી બશીર નૂરઝઈને ગુપ્ત રીતે છોડી મુક્યો છે. તેની મુક્તિ ભારત સહિત અનેક દેશોની એજન્સીઓ માટે ચિંતાનો વિષય બની શકે છે. માનવામાં આવે છે કે જો તે મુક્ત થઈ જશે તો ડ્રગ્સ સ્મગલિંગ અને  ઘૂષણખોરી વધી શકે છે.

બશીર નૂરઝાઈ અફઘાન ડ્રગ્સનો સ્વામી છે. તે તાલિબાન ચળવળનો સમર્થક હતો. બાદમાં તેણે યુએસ સરકાર માટે અંડરકવર એજન્ટ તરીકે કામ કરવાનું શરૂ કર્યું. આ જ કારણ હતું કે અમેરિકાનો મોસ્ટ વોન્ટેડ ડ્રગ સ્મગલર હોવા છતાં તેની ધરપકડ કરવામાં આવી ન હતી. હકીકતમાં, તે આ શરતે એક અમેરિકન હેન્ડલર સાથે કામ કરી રહ્યો હતો અને તે પછી જ તે ન્યૂયોર્ક સિટીમાં ડિબ્રીફિંગ માટે આવવા માટે રાજી થયો.

બશીર નૂરઝાઈ ન્યુયોર્ક શહેરમાં આવ્યો હતો. પરંતુ ત્યાં પહોંચ્યાના દસ દિવસ બાદ જ તેની ધરપકડ કરવામાં આવી હતી. દરમિયાન, અમેરિકન દળોની હકાલપટ્ટી પછી, તાલિબાને ફરી એકવાર અફઘાનિસ્તાનની સત્તા પર કબજો કર્યો. ત્યારબાદ તાલિબાને યુએસ સરકાર પાસે અમેરિકન એન્જિનિયર માર્ક ફ્રેરિચ્સના બદલામાં નૂરઝાઈને મુક્ત કરવાની માંગ કરી. માર્ક ફ્રેરીચનું જાન્યુઆરી 2020 માં અપહરણ કરવામાં આવ્યું હતું. બશીર નૂરઝાઈએ ​​1979 થી 1989 સુધી અફઘાનિસ્તાન પર કબજો કરી રહેલા સોવિયેત દળો સામે લડ્યો હતો. પરંતુ જ્યારે મુલ્લા ઉમર ભૂગર્ભમાં ગયો ત્યારે બશીરે કંદહારનો હવાલો છોડી દીધો. તેણે તાલિબાન શાસનને વિસ્ફોટકો, શસ્ત્રો અને મિલિશિયા સૈનિકો પણ પૂરા પાડ્યા હતા.

9/11ના હુમલા સમયે બશીર નૂરઝાઈ ક્વેટામાં હતો. પરંતુ હુમલાના સમાચાર મળતા જ તે તરત જ અફઘાનિસ્તાન પરત ફર્યો હતો. નવેમ્બર 2001માં, તે અફઘાન-પાકિસ્તાન સરહદ નજીક સ્પિનબોલ્ડક ખાતે યુએસ લશ્કરી અધિકારીઓને મળ્યો હતો. વાસ્તવમાં, યુએસ સ્પેશિયલ ફોર્સિસ અને ગુપ્તચર અધિકારીઓની નાની ટીમો તે સમયે અફઘાનિસ્તાનમાં હાજર હતી, જે ત્યાંના સ્થાનિક નેતાઓનો ટેકો મેળવવા માટે કામ કરતી હતી.

તે અમેરિકનો નૂરઝાઈને કંદહાર લઈ ગયા, જ્યાં તેને કસ્ટડીમાં લેવામાં આવ્યો. ત્યાર બાદ તેની આગામી છ દિવસ સુધી તાલિબાન અધિકારીઓ તેની કામગીરી અંગે પૂછપરછ કરવામાં આવી હતી. આ પછી બશીર નૂરઝાઈ તેમની સાથે કામ કરવા રાજી થઈ ગયો અને આ શરતે તેઓ પણ ચાલ્યા ગયા. જાન્યુઆરી 2002 ના અંતમાં, તેણે અમેરિકનોને લગભગ 400 વિમાનવિરોધી મિસાઇલો સહિત 15 ટ્રક, તેમજ લોડ શસ્ત્રો સોંપ્યા, જે તાલિબાનોએ તેમના પ્રદેશમાં છુપાવ્યા હતા.

1 જૂન 2004ના રોજ, ડ્રગ માફિયા બશીર નૂરઝાઈ સામે ફોરેન નાર્કોટિક્સ કિંગપિન એક્ટ હેઠળ ગુનો નોંધવામાં આવ્યો હતો. એપ્રિલ 2005માં, ન્યુ યોર્ક શહેરમાં યુએસ સત્તાવાળાઓ દ્વારા નૂરઝાઈની ધરપકડ કરવામાં આવી હતી. તેના પર યુનાઇટેડ સ્ટેટ્સમાં US$50 મિલિયનથી વધુ કિંમતના હેરોઇનની દાણચોરી કરવાનો પ્રયાસ કરવાનો આરોપ હતો. તેનું નામ મોસ્ટ વોન્ટેડ ડ્રગ તસ્કરોની ટોપ ટેન યાદીમાં સામેલ છે.

નૂરઝાઈની ધરપકડ અફઘાનિસ્તાનના ભૂતપૂર્વ તાલિબાન શાસન અને ગેરકાયદે ડ્રગ વેપાર વચ્ચેના કથિત સંબંધો સાથે જોડાયેલી છે. ન્યુ યોર્કના હાઈ-પ્રોફાઈલ ફોજદારી વકીલ ઈવાન ફિશર દ્વારા 2008ના મુકદ્દમામાં નૂરઝાઈનું પ્રતિનિધિત્વ કરવામાં આવ્યું હતું. તેવામાં અમેરિકાની વિદેશ નીતિને લઈને અનેક સવાલો ઉભા થયા હતા. જો કે, 2008માં નૂરઝાઈને યુનાઈટેડ સ્ટેટ્સમાં $50 મિલિયનના હેરોઈનની દાણચોરી માટે દોષિત ઠેરવવામાં આવ્યો હતો.

30 એપ્રિલ 2009ના રોજ, બશીર નૂરઝાઈ જજ ડેની ચિન સમક્ષ હાજર થયો, જેમણે આ માફિયાને આજીવન કેદની સજા સંભળાવી, પરંતુ આ પછી પણ તેનો ડ્રગ્સનો ધંધો અટક્યો નથી. એવું કહેવાય છે કે નૂરઝાઈ જેલમાં ગયા પછી તેના ડ્રગ્સનું નેટવર્ક જુમા ખાને કબજે કરી લીધું હતો. પરંતુ આ કારણોસર ખાનની 2010માં ધરપકડ કરવામાં આવી હતી.

તાલિબાનને ટાંકીને અફઘાન મીડિયામાં એવા અહેવાલો આવ્યા હતા કે બશીર નૂરઝાઈને 16 જુલાઈ 2019ના રોજ સંયુક્ત આરબ અમીરાતમાં મુક્ત કરવામાં આવ્યો હતા, પરંતુ બાદમાં જાણવા મળ્યું હતું કે નૂરઝાઈને જેલમાંથી મુક્ત કરવામાં આવ્યો ન હતો. પરંતુ હવે તેની રિલીઝના મોટા સમાચાર સામે આવ્યા છે. તાલિબાનના પ્રવક્તાના જણાવ્યા અનુસાર, હાજી બશીર નૂરઝાઈને અમેરિકન નાગરિક માર્ક ફ્રેરિચના બદલામાં જેલમાંથી મુક્ત કરવામાં આવ્યો છે અને નૂરઝાઈ 19 સપ્ટેમ્બર 2022ના રોજ અફઘાનિસ્તાન પહોંચ્યો હતો. બશીર નૂરઝાઈ તાલિબાનના સ્થાપક મુલ્લા ઉમરના નજીકનો માનવામાં આવે છે.

આ પણ વાંચો-