યાત્રાધામ શામળાજી ખાતે બે દિવસીય શામળાજી મહોત્સવ, સાંસ્કૃતિક કાર્યક્રમોએ દર્શકોને કર્યા મંત્રમુગ્ધ

યાત્રાધામ શામળાજી ખાતે બે દિવસીય શામળાજી મહોત્સવ યોજાયો હતો જેમાં સમગ્ર રાજ્ય માંથી આવેલા જુદા જુદા કલા વૃંદોએ કળાના કામણ પાથરી દર્શકોને મંત્ર મુગ્ધ કર્યા હતા બે દિવસીય આ મહોત્સવનું આજે રાત્રે કાર્યક્રમ બાદ સમાપન થશે 

રાજ્ય સરકારના રમત ગમત અને સાંસ્કૃતિક વિભાગ ગાંધીનગર દ્વારા યાત્રાધામ શામળાજી ખાતે શનિવાર રાત થી બે દિવસીય શામળાજી મહોત્સવનું આયોજન કરવામાં અવાયું છે ત્યારે આ મહોત્સવના પ્રથમ દિવસે શામળાજી મંદિર પરિસર ખાતે અરાવલી અને સાબરકાંઠા સાંસદ દીપસિંહ રાઠોડ અને ભિલોડા એમએલએ પી સી બરંડાના હસ્તેદીપ પ્રાગટ્ય કરી મહોત્સવને ખુલ્લો મુકાયો હતો આ પ્રસન્ગે શામળાજી મંદિર ટ્રસ્ટના વાઇસ ચેરમેન રણવીરસિંહ ડાભી , જિલ્લા કલેક્ટર નરેન્દ્રકુમાર મીના , જિલ્લા ભાજપ પ્રમુખ રાજેન્દ્રભાઇ પટેલ તેમજ ડીડીઓ સહિતના અધિકારીઓ અને પદાધિકારીઓ હાજર રહયા હતા.

શામળાજી ખાતે યોજાયેલા આ મહોત્સવમાં સમગ્ર રાજ્ય માંથી જુદા જુદા કલા વૃંદો પોતાની કૃતિઓ રજુ કરવા માટે આવ્યા હતા જુદા જુદા કલા વૃંદો એ ભગવાન શ્રી કૃષ્ણના જીવન ચરિત્ર ઉપર આધારિત પોતાની કૃતિઓ રજુ કરી હતી જે જોઈ શામળાજી ખાતે આવેલા ભક્તો સહીત જિલ્લાવાસીઓ કૃષ્ણમય બન્યા હતા.ઉલ્લેખનીય છે કે બે દિવસીય આ મહોત્સવનો આજે બીજો દિવસ છે ત્યારે બીજા દિવસે પણ રાત્રી સમયે પુનઃ કલા વૃંદો દ્વારા સાંસ્કૃતિક કાર્યક્રમો કરાશે અને મોડી રાત્રે આ શામળાજી મહોત્સવ સંપન્ન થશે. 

આ પણ વાંચોઃ મોડાસાના ગ્રામ્ય પંથકમાં કેમ લોકોમાં ફેલાયો છે ફફડાટ ? કેમ ભયના ઓથાર હેઠળ જીવી રહ્યા છે ગ્રામજનો ?