અમિતાભ બચ્ચનને ટ્રોલર્સે વૃદ્ઘ કહ્યાં ,અભિનેતાએ આપ્યો સણસણતો જવાબ

બોલિવૂડ મેગાસ્ટાર અમિતાભ બચ્ચન સોશિયલ મીડિયા પર ખૂબ જ એક્ટિવ રહે છે. ટ્વિટર, ફેસબુક, ઈન્સ્ટાગ્રામ અને બ્લોગની મદદથી તેઓ સતત તેમના ચાહકો સાથે જોડાયેલાં રહેવાનો પ્રયાસ કરે છે. જોકે, સોશિયલ મીડિયા પર તેમનો તાજેતરનો અનુભવ બહુ સારો ન હતો, કારણ કે કેટલાક યુઝર્સે તેમને ટ્રોલ કરવાનો પ્રયાસ કર્યો હતો. પરંતુ અમિતાભ બચ્ચને પણ આ તમામ લોકોને પોતાની સ્ટાઈલમાં જવાબ આપ્યો હતો. 

એક યુઝર્સે અમિતાભ બચ્ચનને મોડે સુધી જાગવા માટે ટ્રોલ કરી રહ્યાં હતાં, પરંતુ તેમાંથી મોટાભાગનાને બિગ બી દ્વારા વ્યક્તિગત રૂપે જવાબ આપવામાં આવ્યો અને કહ્યું કે તેઓ મોડી રાત સુધી કામ કરે છે. વાસ્તવમાં અમિતાભ બચ્ચને રવિવારે સવારે 11.30 વાગે ફેસબુક પર પોતાના ફેન્સને ગુડ મોર્નિંગની શુભેચ્છા પાઠવી હતી. કેટલાક ચાહકોએ તેમને જવાબમાં શુભેચ્છા પણ પાઠવી હતી અને અન્ય લોકોએ તેમને બપોરના સમયે ગુડ મોર્નિંગ કહેવા બદલ ટ્રોલ કર્યા હતા.

યુઝર્સે અમિતાભ બચ્ચન માટે  ઘણાં અપશબ્દોનો ઉપયોગ કર્યો હતો. એક યુઝરે કમેન્ટ સેક્શનમાં લખ્યું, 'એવું ન વિચારો કે તમે ખૂબ જલ્દી ગુડ મોર્નિંગની શુભેચ્છા આપી.' જવાબમાં અમિતાભ બચ્ચને કહ્યું, 'હું તમારા આ ટોણા માટે આભારી છું. પરંતુ હું મોડી રાત સુધી કામ કરતો હતો, આજે સવારે શૂટિંગ પૂરું થઈ ગયું છે. એટલે જ હું સવારે મોડો જાગ્યો એટલે જાગતાની સાથે વિશ કર્યું. જો આનાથી તમને નારાજગી થયી હોય, તો હું માફી માંગુ છું. 

ઘણા ટ્રોલોએ અમિતાભ બચ્ચનને ખૂબ જ અપશબ્દો બોલ્યા અને લખ્યું, 'અબે બુધે બપોરે હો ગયી'. જેના જવાબમાં અમિતાભે લખ્યું- હું પ્રાર્થના કરીશ કે તમને લાંબુ આયુષ્ય મળે પરંતુ તમને વૃદ્ધ કહીને કોઈ તમારું અપમાન ન કરે. વર્ક ફ્રન્ટની વાત કરીએ તો, અમિતાભ બચ્ચન ટૂંક સમયમાં ફિલ્મ બ્રહ્માસ્ત્રમાં મુખ્ય ભૂમિકામાં જોવા મળશે. ફિલ્મના ટ્રેલરની ચાહકો આતુરતાથી રાહ જોઈ રહ્યાં છે.