આજે લોન્ચ થશે TATA Nexon EV Max, જાણો શું છે ખાસિયત

ટાટા મોટર્સ ઇલેક્ટ્રિક વાહનની દુનિયામાં મોટો ફેરફાર કરવા જઈ રહી છે. વધુ દમદાર બેટરી સાથે લાંબા અંતરની મુસાફરી માટે Tata Nexon EV Max ઇલેક્ટ્રિક કાર આજે લોન્ચ થઈ રહી છે. આ ઇલેક્ટ્રિક કારમાં અનેક નવા ફેરફારો, મોટા બેટરી પેક અને વધેલી ઇલેક્ટ્રિક રેન્જ જોવા મળશે. Tata Nexon EV Max આજે (બુધવાર) સવારે 11:30 વાગ્યે લોન્ચ થશે. તે Hyundai Kona Electric અને MG ZS EV સાથે કમ્પિટિશન કરશે.

Tata Motors એ નવા Nexon EV Max વિશે એક ટીઝર રિલીઝ કર્યું છે. ટીઝરમાં વાહનની રેન્જ જણાવવામાં આવી છે. નવી ઈલેક્ટ્રિક કાર વિશે એવો દાવો કરવામાં આવી રહ્યો છે કે તે એક જ ચાર્જમાં દિલ્હીથી કુરુક્ષેત્ર પરત આવી શકે છે. ટીઝરમાં જણાવવામાં આવ્યું છે કે આ કાર એક જ ચાર્જમાં ચેન્નાઈથી પુડુચેરી, બેંગ્લોરથી મૈસૂર, ગાંધીનગરથી વડોદરા અને રાંચીથી ધનબાદ સુધી મુસાફરી કરી શકે છે. એક તરફ આ સ્થળોનું અંતર લગભગ 150 કિલોમીટર છે. આ રીતે, આ કાર મુસાફરીમાં 300 કિમીની મુસાફરી કરે છે. ટીઝર દ્વારા એ કહેવાનો પ્રયાસ કરવામાં આવ્યો છે કે Tata Nexon EV Max ફુલ ચાર્જ પર 300 કિમીથી વધુની મુસાફરી કરી શકે છે.

નવી Tata Nexon EV Max 40 kWh બેટરી આપવામાં આવી છે જે વર્તમાન બેટરી કરતા 10 kWh વધુ હશે. વર્તમાન મોડલમાં 30.2kWhની બેટરી પેક આપવામાં આવી છે. Tata Nexon EV Maxમાં મોટા બેટરી પેકને કારણે તેની ડિઝાઇનમાં પણ ફેરફાર જોવા મળી શકે છે. નવા વાહનમાં બૂટ સ્પેસ થોડી ઓછી હશે.

Nexon EV Maxના બાહ્ય ભાગમાં 16-ઇંચના ડ્યુઅલ-ટોન ડાયમંડ-કટ એલોય વ્હીલ્સ અને ચારેય વ્હીલ્સ પર ડિસ્ક બ્રેક્સ છે. વાહનના કેબિન અને ડેશબોર્ડમાં કોઈ ફેરફાર કરવામાં આવ્યો નથી. આમાં, તમને વાયરલેસ ચાર્જર, સ્પોર્ટ અને ઇકો ડ્રાઇવ મોડ્સ, ઓટો-હોલ્ડ ફંક્શન, ઇલેક્ટ્રિક પાર્કિંગ બ્રેક અને ઇલ્યુમિનેટેડ ગિયર સિલેક્ટર ડાયલ જેવી સુવિધાઓ આપવામાં આવશે. સુરક્ષા માટે EBD, ISOFIX સાથે ABS, ફ્રન્ટમાં બે એરબેગ્સ, કોર્નર સ્ટેબિલિટી કંટ્રોલ અને અન્ય ઘણા ફીચર્સ આપવામાં આવી શકે છે.