હત્યાના કેસમાં સેશન્સ કોર્ટે એક જ પરિવારના પાંચ સભ્યોને આજીવન કેદની સજા ફટકારી

પંચમહાલ (Panchmahal)જિલ્લાની ડિસ્ટ્રીકટ અને સેશન્સ કોર્ટ (Sessions Court)દ્વારા વર્ષ ૨૦૨૦ માં શહેરા તાલુકાના મીરાપુર ગામે( Mirapur village)જમીન પચાવી પાડવાના (Land matters murder)ઈરાદાથી તીક્ષ્ણ હથિયારના ઘા ઝીંકી એક યુવકની હત્યા કરવાના કરી કેસમા એક જ પરીવારના પાંચ સભ્યોને આજીવન કેદની સજાનો હુકમ કરવામાં આવતા કોર્ટ સંકુલમાં સન્નાટો અને જિલ્લામાં ચકચાર મચી ગઇ છે.

વર્ષ 2020 માં શહેરા પોલીસમથકે હત્યાનો ગુનો નોંધાયો હતો, જેમાં આરોપી દલપતભાઈ ઉર્ફે ભલાભાઈ વેચાતભાઈ બામણીયાની જમીન જીતભાઈ રાવળએ વેચાણથી લીધી હતી. જે જમીન જીતભાઈ રાવળ પાસેથી ભરતભાઈ હાજાભાઈ ચારણએ લીધેલી હોવાથી તેઓ જમીન જોવા માટે મીરાપૂર ગામે જતા આરોપીઓએ ભરતભાઈ ચારણને જણાવ્યુ હતું કે અમારી જમીન અને કોઈને વેચાણથી આપી નથી તેમ છતા તમો કેમ અહીં આવ્યા છો તેમ કહી બોલાચાલી કરીને અપશબ્દો બોલીને ઝપાઝપી કરીને આરોપી દલપતભાઈ બામણીયા તથા તમામ આરોપીઓએ ભેગા મળી ભરતભાઈ ચારણને માથાના ભાગે તેમજ જમણા હાથે તેમજ પીઠના ડાબી બાજુએ તીક્ષ્ણ ધારીયાના ઘા મારી જીવલેણ ઈજાઓ પહોંચાડી હતી,જેમાં સારવાર દરમ્યાન ભરતભાઇ ચારણનું મોત નીપજયું હતું. 

માત્ર જમીનના ટુકડા માટે બોલા ચાલી થયા બાદ તીક્ષ્ણ હથિયારના  ઘા કરી ને યુવકની કરપીણ હત્યા થઇ આજે એકના પરિવાર ના ચિરંજીવી યુવાન એ જીવ ગુમાવ્યો  ત્યારે બીજી તરફ એક જ પરિવારના પાંચ સભ્યોને આજીવન જેલ ના સળિયા પાછળ જવું પડયું.