કોલકાતામાં રમાશે બીજી વનડે, જાણો ક્યારે, ક્યાં અને કેવી રીતે જોઈ શકાશે

ભારત અને શ્રીલંકા વચ્ચે રમાઈ રહેલી 3 મેચોની વનડે સિરીઝની બીજી મેચ કોલકાતામાં રમાનાર છે. ભારતીય ટીમ ગુરુવાર 12 જાન્યુઆરીએ ઈ઼ડન ગાર્ડન્સમાં શ્રીલંકા સામે ટકરાશે. ગુવાહાટીમાં રમાયેલી પ્રથમ વનડે મેચમાં ભારતે 67 રનથી શ્રીલંકાને હરાવ્યુ હતુ. હવે સિરીઝ પર કબ્જો કરી લેવા માટે રોહિત શર્માની આગેવાનીમાં ભારતીય ટીમ પૂરો દમ લગાવી દેશે. ગુવાહાટીમાં વિરાટ કોહલીએ શાનદાર શતક લગાવીને પોતાનુ ફોર્મ પરત મેળવી લેતા ટીમ ઈન્ડિયાને રાહત સર્જાઈ છે.

ભારતીય ક્રિકેટ બોર્ડ આગામી વિશ્વકપને લઈ તૈયારીઓ કરી રહ્યુ છે. આવી સ્થિતીમાં શ્રીલંકા સામેની ઘર આંગણે રમાઈ રહેલી સિરીઝને મહત્વની માનવામાં આવી રહી છે. ટીમ ઈન્ડિયા રોટેશનમાં એવા 20 ખેલાડીઓને અંતિમ ઈલેવનમાં સ્થાન આપી રમાડવાનો પ્લાન બીસીસીઆઈ પહેલાથી જ બનાવી ચૂક્યુ છે.

રોહિત શર્માએ પણ બેટ ખોલીને શાનદાર શરુઆત ટીમ ઈન્ડિયાને પ્રથમ વનડેમાં ગુવાહાટીમાં અપાવી હતી. વિરાટ કોહલીએ વર્ષોથી જેની ક્રિકેટ ચાહકો રાહ જોઈ રહ્યા હતા તે વનડે શતક જમાવ્યુ હતુ. જોકે રોહિત શર્મા તેનુ વનડે શતક ચૂકી ગયો હતો. કોલકોતામાં રોહિત અને વિરાટની આ જ પ્રકારની રમત જોવા મળે એવી આશા વર્તાઈ રહી છે. સાથે જ ઓપનીંગ જોડી આવી જ શરુઆત કરવાનો સિલસિલો જાળવે એ જરુરી છે. રોહિત શર્મા માટે ઈડન ગાર્ડન કરિયરમાં ખાસ યાદ ધરાવે છે. અહીં જ તેણે 264 રનની ઈનીંગ રમી હતી, એ વખતે હરીફ ટીમ શ્રીલંકા જ હતુ.

તમે Star Sports નેટવર્કની ચેનલો પર ભારત અને શ્રીલંકા વચ્ચેની બીજી ODI મેચ વિવિધ ભાષાઓમાં જોઈ શકો છો.ભારત અને શ્રીલંકા વચ્ચેની બીજી ODI મેચનું ઓનલાઈન લાઈવ સ્ટ્રીમિંગ ક્યાં જોઈ શકાશે?

આપણ  વાંચો-  king kohliએ તોડ્યો આ મહાન ક્રિકેટરનો રેકોર્ડ્સ, ઉમરાન મલિકે રચ્યો ઈતિહાસ