મુંબઇ કેશોદ ફ્લાઇટ એપ્રિલના ત્રીજા સપ્તાહમાં શરુ થશે

ભારતના ઉડ્ડયન મંત્રાલયના વિશ્વસનીય સૂત્રો અને વરિષ્ઠ અધિકારીએ આજે 'ગુજરાત ફર્સ્ટ'ને  જણાવ્યું કે મુંબઈ-કેશોદ મુંબઈ એર ફ્લાઇટ એપ્રિલના ત્રીજા સપ્તાહમાં શરૂ થવાની છે. આ સેવાની પ્રથમ ફ્લાઈટ 12 થી 17 એપ્રિલ વચ્ચે કોઈપણ દિવસે મુંબઈ એરપોર્ટ પરથી ઉપડશે. અગાઉ આ ફ્લાઇટ સેવા માર્ચમાં મુંબઈ અને કેશોદ વચ્ચે શરૂ થવાની હતી. જોકે, ટેકનિકલ કારણોસર ઉદઘાટન ફ્લાઇટ એલાયન્સ એર દ્વારા મુલતવી રાખવામાં આવ્યુ હતું..

સપ્તાહમાં ત્રણ વખત ઉડાન 

આ સેવા મુંબઈ અને કેશોદ વચ્ચે અઠવાડિયામાં ત્રણ વખત ઉડાન ભરશે અને વન-વે ટિકિટની કિંમત ન્યૂનતમ રૂ. 2700 હશે. એલાયન્સ એર  સેક્ટરમાં 70 સીટર ATR એરક્રાફ્ટ તૈનાત કરશે. આ ફ્લાઇટ ટિકિટ દર UDAAN 

યોજના હેઠળ આવરી લેવામાં આવશે. આ નો ફ્રિલ્સ ફ્લાઇટ હશે જેનો અર્થ છે કે મુસાફરોએ ઇન ફ્લાઇટ સર્વિસમાંથી ચા, કોફી, નાસ્તો વગેરે ખરીદવું પડે. દરેક મુસાફરને 15 કિલો વજનનો સામાન મફતમાં લઈ જવાની છૂટ આપવામાં 

આવશે. 

 પ્રવાસન ઉદ્યોગને ફાયદો થશે

જોકે, એલાયન્સ એર એર ઈન્ડિયા સાથે MOU સાઈન કરવાની યોજના બનાવી રહી છે. એમઓયુ પર હસ્તાક્ષર થયા પછી, એલાયન્સ એર દ્વારા એર ઈન્ડિયા સેવા દ્વારા આંતરરાષ્ટ્રીય સ્થળોએ ઉડતા મુસાફરોને 30 કિલો વજન નો સામાન મફતમાં લઈ જવાની મંજૂરી આપવામાં આવશે.જૂનાગઢ ગીર સોમનાથ સંસદ સભ્ય રાજેશ ચુડાસમા એ 'ગુજરાત ફર્સ્ટ'સાથેની એક ખાસ વાતચીતમાં જણાવ્યું હતું કે કેશોદ ગીર જંગલ અને સોમનાથ મંદિરની નજીકમાં હોવાથી સ્થાનિક પ્રવાસન ઉદ્યોગ માટે મુંબઈ-કેશોદ ફ્લાઇટ સર્વિસ અત્યંત ફાયદાકારક સાબિત થશે. 

સી ફૂડના નિકાસકારોને પણ ફાયદો

વેરાવળ પાટણ સંયુક્ત નગરપાલિકા પ્રમુખ પિયુષ ફોફંડી જણાવ્યું હતું કે વેરાવળ નગર સમગ્ર વિશ્વમાં દરિયાઈ ખાદ્ય 

પદાર્થોનું વિશાળ નિકાસકાર છે. કેશોદ અને મુંબઈ વચ્ચેની ફ્લાઈટ વેરાવળના સી ફૂડના નિકાસકારો માટે મોટી રાહત

 બની રહેશે જે વારંવાર વેપારના હેતુ માટે ભારતના વિવિધ શહેરો અને વિદેશમાં જતા હોય છે. તેમજ આ ફ્લાઇટ 

દરિયાઈ ખાદ્ય પદાર્થોના વૈશ્વિક ખરીદદારો માટે વેરાવળ ની મુલાકાત લેવા માટે અત્યંત અનુકૂળ રહેશે

ભારતના નાગરિક ઉડ્ડયન પ્રધાન જ્યોતિરાદિત્ય સિંધિયા સંભવતઃ મુંબઈથી એલાયન્સ એરની પ્રારંભિક ફ્લાઇટમાં 

સવાર થશે.