મેચના પ્રથમ દિવસે પંતની તોફાની બેટિંગ, ભારતે 6 વિકેટે બનાવ્યા 357 રન

પંજાબના મોહાલીમાં ભારત અને શ્રીલંકા વચ્ચે શ્રેણીની પ્રથમ ટેસ્ટ મેચ રમાઈ રહી છે. આ મેચમાં ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય લીધો છે. વિરાટ કોહલીની આ 100મી ટેસ્ટ મેચ છે. વળી, રોહિત શર્માની કેપ્ટન્સીમાં, ભારત પ્રથમ વખત ટેસ્ટ મેચ રમવા માટે ઉતર્યું છે. 

આ મેચના પ્રથમ દિવસની વાત કરીએ તો, વિરાટ કોહલી અડધી સદી ફટકારવામાં ચૂકી ગયો હતો, તે 45 રન બનાવીને આઉટ થયો હતો. ભારતે શ્રીલંકા સામેની પ્રથમ ટેસ્ટના પ્રથમ દિવસે શુક્રવારે તેની પ્રથમ ઇનિંગમાં છ વિકેટે 357 રન બનાવ્યા હતા. ભારત માટે રિષભ પંતે 96, હનુમા વિહારીએ 58 રન બનાવ્યા જ્યારે વિરાટ કોહલીએ પોતાની 100મી ટેસ્ટમાં 45 રન બનાવ્યા. દિવસની રમતના અંતે રવિન્દ્ર જાડેજા 45 જ્યારે રવિચંદ્રન અશ્વિન 10 રન બનાવીને રમી રહ્યા હતા. શ્રીલંકા તરફથી લસિથ એમ્બુલદેનિયાએ બે વિકેટ ઝડપી હતી.