ક્રિકેટરની સ્ફૂર્તિ આવી કામ, રિષભ પંત કારનો કાચ તોડી નિકળ્યો બહાર

ભારતીય ક્રિકેટર રિષભ પંત (Rishabh Pant) શુક્રવારે સવારે દિલ્હીથી ઘરે જઈ રહ્યો હતો. રસ્તામાં ઝોકું આવી જતાં  કાર ડિવાઈડર સાથે અથડાઈ હતી. આ અકસ્માત (Accident)માં રિષભ પંતને ગંભીર ઈજા થઈ છે. અકસ્માત બાદ પંતની કારમાં આગ લાગી હતી. રિષભ પંત કારની બારીના કાચ તોડીને બહાર આવ્યો હતો. પંતના બહાર નીકળ્યા બાદ કાર સંપૂર્ણ રીતે ખાખ થઈ ગઈ હતી.આ અકસ્માતમાં પંતને ગંભીર ઈજાઓ થઈ હતી. તેમને દેહરાદૂનની મેક્સ હોસ્પિટલમાં દાખલ કરવામાં આવ્યા છે.

પંત માત્ર ક્રિકેટની પીચ પર જ નહીં પરંતુ જીવનની પીચ પર પણ આજે ઝઝુમ્યો હતો. તેણે ઘણી વખત ભારતીય ક્રિકેટ ટીમને મુશ્કેલીમાંથી બહાર કાઢી છે. આજે સવારે જ્યારે તે મુશ્કેલીમાં હતો, ત્યારે તેણે ફરી એક વાર પોતાની જાતને મુશ્કેલીમાંથી બહાર કાઢવામાં સફળતા મેળવી છે. ખરેખર અકસ્માત બાદ કારમાં આગ લાગી હતી. આગ વધે તે પહેલા જ ઈજાગ્રસ્ત રિષભ પંતે બારીનો કાચ તોડીને પોતાને બહાર કાઢ્યો હતો.

અકસ્માત બાદ પંતને દેહરાદૂનની મેક્સ હોસ્પિટલમાં દાખલ કરવામાં આવ્યા હતા. ત્યાંના ડોક્ટરોએ જણાવ્યું કે તે ખતરાની બહાર છે. હરિદ્વાર પોલીસે જણાવ્યું કે, અકસ્માત સવારે સાડા પાંચ વાગ્યે થયો હતો. અકસ્માત બાદ કારમાં આગ લાગી હતી. રિષભ પંત કારની બારી તોડીને બહાર આવ્યો હતો. ક્રિકેટરને વધુ સારવાર માટે દહેરાદૂન રિફર કરવામાં આવ્યો છે.

રિષભ પંતની ગણતરી ભારતીય ક્રિકેટ ટીમના ફિટ ક્રિકેટરોમાં થાય છે. ક્રિકેટના મેદાન પર તેના એક્સરસાઇઝ અને સ્ટંટ કરતો વીડિયો અવારનવાર સામે આવે છે. આ મુશ્કેલ સમયમાં તેની ફિટનેસ અને સ્પોર્ટ્સમેન સ્પિરિટ તથા સ્ફૂર્તિ કામમાં આવી. અકસ્માત બાદ તે પોતે કારનો કાચ તોડીને બહાર આવ્યો હતો. દુર્ઘટનામાં આટલી બધી ઈજાઓ થવા છતાં, બારીનો કાચ તોડવો એ કોઈ પડકારથી ઓછું ન હતું.

પંતે અત્યાર સુધી 33 ટેસ્ટમાં પાંચ સદી અને 11 અડધી સદીની મદદથી 2,271 રન બનાવ્યા છે. તેણે 30 વનડે અને 66 ટી-ટ્વેન્ટીમાં પણ દેશનું પ્રતિનિધિત્વ કર્યું છે. રિષભ પંત IPLમાં દિલ્હીનો કેપ્ટન પણ છે.

આ પણ વાંચો--ટીમ ઈન્ડિયાના વિકેટકીપરની કારનું થયુ ભયાનક અકસ્માત, ગંભીર રીતે ઈજાગ્રસ્ત