વડાપ્રધાનશ્રી નરેન્દ્ર મોદીને આવકારવા વહીવટીતંત્ર સજ્જ, ભુજને દુલ્હનની જેમ શણગારાયું, જોઈ લો તસવીરો...

જેમાં ભુજમાં  ભુજીયા  ડુંગરમાં  આકાર   પામેલા  સ્મૃતિવન વિવિધ  રોશનીથી  શણગારવામાં  આવ્યા  આવ્યા  છે  અને  રાત્રીના  સમયેએ  નયનરમ્ય દ્રશ્યો જોવા  મળે  છે 

વડાપ્રધાનશ્રીના આગમનની લોકો આતુરતાથી રાહ જોઇ રહ્યા છે. કચ્છ પ્રત્યે પ્રધાનમંત્રીને વિશેષ લગાવ છે ત્યારે કચ્છીમાડુઓ પણ તેમના પ્રત્યે અનન્ય લાગણી ધરાવે છે. ભુજમાં ભુજીયા ડુંગરમાં આકાર પામેલા સ્મૃતિવન, કલેકટર કચેરી, સર્કિટ હાઉસ, બહુમાળી ભવન, ભુજ કોર્ટ, જયુબિલી સર્કલ, મુકત જીવન સર્કલ વગેરે સ્થળોને વિવિધ રોશનીથી શણગારવામાં આવ્યા છે. રાત્રે રોશનીના નયનરમ્ય દશ્યો સર્જાતા દિવાળી પહેલા જ ભુજમાં દિપાવલી પર્વ જેવો માહોલ ઉભો થયો છે. શહેરીજનોમાં પણ લોકલાડીલા પ્રધાનમંત્રીશ્રીને આવકારવા થનગનાટ જોવા મળી રહ્યો છે