ટીમ ઈન્ડિયાએ 7મી વખત ટાઈટલ કર્યું પોતાના નામે

ભારતીય મહિલા ક્રિકેટ ટીમે એશિયા કપ (Asia Cup)ની સતત 8મી આવૃત્તિમાં ફાઈનલ રમતા સાતમું ટાઈટલ જીત્યું છે. હરમનપ્રીત કૌર (Harmanpreet Kaur)ની આગેવાની હેઠળની ટીમે ફાઇનલમાં શ્રીલંકાને 8 વિકેટે હરાવીને ટાઇટલ જીત્યું છે. ભારતીય ટીમની આ સતત 8મી એશિયા કપ ફાઈનલ હતી. તેમની એકમાત્ર હાર બાંગ્લાદેશ તરફથી છેલ્લી આવૃત્તિમાં થઈ હતી. આ સિવાય ભારતે અત્યાર સુધીની દરેક ફાઈનલ (સાત) જીતી છે.

મહિલા T20 એશિયા કપ (Women's Asia Cup)ની ફાઈનલ મેચમાં ભારતીય મહિલા ટીમે શ્રીલંકાને 8 વિકેટે હરાવ્યું છે. ભારતે આઠમી વખત એશિયા કપ ટ્રોફી જીતી છે. બાંગ્લાદેશના સિલ્હટમાં રમાયેલી આ મેચમાં શ્રીલંકાએ ટોસ જીતીને પ્રથમ બેટિંગ કરીને 20 ઓવરમાં 9 વિકેટે 65 રન બનાવ્યા હતા. જવાબમાં ભારતીય ટીમે 8.3 ઓવરમાં 2 વિકેટે 71 રન બનાવીને આસાનીથી લક્ષ્ય હાંસલ કરી લીધું હતું. ભારત તરફથી સ્મૃતિ મંધાનાએ 51 રનની શાનદાર અડધી સદીની ઇનિંગ રમી હતી. શેફાલી વર્મા અને સ્મૃતિ મંધાનાએ ટીમને ઝડપી શરૂઆત અપાવી હતી. બંને બેટ્સમેનોએ પ્રથમ વિકેટ માટે 32 રન જોડ્યા હતા. લો સ્કોરવાળી આ મેચમાં ભારતીય બોલરોએ શ્રીલંકાના બેટ્સમેનો પર પ્રભુત્વ જમાવ્યું હતું. જ્યારે બોલરોમાં રેણુકા સિંહે 3 જ્યારે ગાયકવાડ અને રાણાએ પણ 2-2 વિકેટ ઝડપી હતી.

આ પણ વાંચો - ભારત-પાકિસ્તાન મેચને લઇને ફેન્સ માટે આવ્યા ખરાબ સમાચાર