બીજા દિવસના અંતે શ્રીલંકાના 108/4

ભારત અને શ્રી લંકા વચ્ચે ચાલી રહેલી પહેલી ટેસ્ટ મેચના બીજા દિવસની રમત પુરી થઇ છે અને બીજા દિવસે શ્રીલંકાની ટીમ હજું ભારત કરતા 466 રન પાછળ છે. શ્રીલંકાનો સ્કોર શનિવારે રમત પુરી થઇ ત્યારે 4 વિકેટ પર 108 રન હતો.  આ પહેલાં ભારતે 8 વિકેટે 574 રન બનાવીને ઇનીંગ ડિક્લેર્ડ કરી હતી. બીજા દિવસે ભારતે રવિન્દ્ર જાડેજાની તોફાની ઇનિંગના 175 રનના દમ પર 574 રન બનાવી ઇનિંગ ડિક્લેર્ડ કરી દીધી છે. 

આ બંને બેટ્સમેનોએ બીજી ઇનિંગને ખૂબ જ સુંદર રીતે આગળ વધારી અને બંને બેટ્સમેનોએ પોતપોતાની અડધી સદી પૂરી કરી. રવિચંદ્રન અશ્વિન 82 બોલમાં 61 રનની ઝડપી ઇનિંગ રમીને લખમલના હાથે આઉટ થયો હતો. તેણે આઉટ થતા પહેલા રવિન્દ્ર જાડેજા સાથે 130 રનની શાનદાર ભાગીદારી પૂરી કરી હતી. આ પછી જયંત યાદવ બેટિંગ કરવા આવ્યો પરંતુ તે માત્ર 2 રન જ ઉમેરી શક્યો અને તેને વિશ્વા ફર્નાન્ડોએ આઉટ કર્યો હતો. આ પછી રવિન્દ્ર જાડેજાએ મોહમ્મદ શમી સાથે મળીને તેની મેરેથોન ઇનિંગ્સને આગળ ધપાવી હતી. રવીન્દ્ર જાડેજાનો ટેસ્ટ મેચમાં આ સર્વશ્રેષ્ઠ સ્કોર છે. આ તેની ટેસ્ટ કારકિર્દીની બીજી ટેસ્ટ સદી પણ છે.