તારંગા હિલ્સ-અંબાજી- માઉન્ટ આબુ નવી રેલ્વે લાઈન ! 'ગુજરાત ફર્સ્ટ'નો ગ્રાઉન્ડ ઝીરો રિપોર્ટ

દેશના યશસ્વી વડાપ્રધાનશ્રી નરેન્દ્રભાઈ મોદી( PM Narendra Modi) ની અધ્યક્ષતામાં ગતિશક્તિ પ્રોજેક્ટ (Gatishakti Project) અંતર્ગત અંદાજિત રૂપિયા 2798.16 કરોડના ખર્ચે નિર્માણ પામનાર તારંગા હિલ્સ-અંબાજી-આબુ રોડ નવી રેલ્વે લાઈનને મંજૂરી આપી દીધી છે. આ યોજના 2027 સુધીમાં તૈયાર થશે. આ યોજના થકી મુસાફરોની સુવિધા સાથે સ્થાનિકો માટે અનેક રોજગારની તકો ઉભી થશે. 

સાથે જ પ્રવાસન સ્થળોની કનેક્ટિવિટીમાં પણ સુધારો થશે, અંબાજી(Ambaji) અને તારંગા(Taranga) જેવા પ્રવાસન સ્થળ-યાત્રાધામના દર્શનાર્થીની સંખ્યામાં વધારો થશે. સાથે જ આ નવી રેલ્વે લાઇનથી આબુ રોડ અને અમદાવાદ વચ્ચે આ રેલ્વે લાઈનનો પ્રવાસીઓ અને વેપારીઓને પણ સુરક્ષિત વૈકલ્પિક માર્ગ તરીકે ઉપયોગ કરી શકશે.તારંગા- અંબાજી રેલ પ્રોજેક્ટ(Ambaji Taranga Railway Project)થી થતા ફાયદા અનેક છે, જે ગુજરાતના વિકાસને રેલ રફ્તારથી આગળ વધારશે,. તો જુઓ  ગુજરાત ફર્સ્ટનો આ નવી રેલ યોજનો ગ્રાઉન્ડ ઝીરો રિપોર્ટ  

તારંગા હિલથી અંબાજી અને અંબાજીથી આબુ રોડ સુધીની 116.65 કિમી નવી રેલવે લાઇનને મંજૂરી આપવામા આવી છે. રૂ. 2798.16 કરોડના ખર્ચે તારંગા હિલ્સથી આબુ સુધી રેલવે લાઇન સ્થાપિત કરવાને કેબિનેટે મંજૂરી આપ્યા બાદ હવે રાજ્ય સરકાર તેમજ રેલવે વિભાગે કામગીરી શરૂ કરી દીધી છે. મુખ્યમંત્રીશ્રી ભૂપેન્દ્ર પટેલના માર્ગદર્શન અને સૂચન અનુસાર 18 જુલાઈ 2022ના રોજ એ રેલવેના જીએમ અને ડીઆરએમ અમદાવાદ તેમજ પ્રવાસન વિભાગ અને લેન્ડ રિફોર્મના સચિવએ ચીફ સેક્રેટરી શ્રી પંકજકુમાર સમક્ષ પ્રોજેક્ટની કામગીરીના રોડમેપ અંગે મુલાકાત કરી હતી. 

આ પ્રોજેક્ટને આગળ લઇ જવા અંગેની વ્યૂહાત્મક બાબતો વિશે તેમાં અધિકારીઓએ ચર્ચા કરી હતી. આ મહત્વપૂર્ણ પ્રોજેક્ટ અંતર્ગત અંબાજી રેલવે સ્ટેશનને શક્તિપીઠની થીમ પર વિકસિત કરવામા આવશે અને પાંચ માળ સુધી બજેટ હોટલ માટે જગ્યા ફાળવવામા આવશે

વડાપ્રધાનશ્રીના આ મહાત્વાકાંક્ષી પ્રોજેક્ટમાં ગુજરાત ફર્સ્ટે ગ્રાઉન્ડ પર પહોંચીને ચિતાર લીધો હતો, ત્યારે આજે તારંગાથી શરૂ થયેલી ગુજરાત ફર્સ્ટને તેમની આ ગ્રાઉન્ડ સફરમાં તમને સતલાતણા, મુમનવાસ ગામની સાથે અંબાજી અને માઉન્ટ આબુના સ્થાનિકો સાથે મુલાકાત કરી આ રેલ યોજના અંગે તેમનો અભિપ્રાય મેળવ્યો હતો.  

તારંગા મંદિરમાં દર્શન કરી ગુજરાત ફર્સ્ટની સફરનો આગળનો પડાવ હતો એક એવું ગામ, જ્યાંના ગ્રામજનોએ કદાચ કલ્પના પણ નહીં કરી હોય, કે તેમના ગામને રેલવે લાઈન મળશે. વિકાસની અનેક તક સાથે હવે ગામનો પણ વિકાસ થશે. આ ગામ એટલે સતલાસણા..

બાજરી - મગફળી જેવાં પાકો માટે જાણીતું છે. અહીંની બાજરીની નિકાસ રાજસ્થાનમાં થાય છે. તેથી હવે આ ગામમાં  રેલ વ્યવહારથી અહીંના સ્થાનિક વેપારને ગતિ અને વેગ મળશે. ગામ સતલાસણા આમ તો નાનું છે, પરંતુ અહીંના ગ્રામજનો નાની-મોટી રોજગારી અને ખેતી કરે છે. જોકે આ ગામને  APMC મળ્યું છે, જયાં આસપાસના ગામડાના ખેડૂતો પોતાનો પાક લઈ વેચવા આવે છે, તેમનું માનવું છે કે તેમને આ રેલ્વે લાઇનથી ફાયદો થશે. 

સતલાસણા ગામના સ્થાનિક રહેવાસી લોકો આ નવા રેલ પ્રોજેક્ટને લઈને ખુશ છે. સ્થાનિક બિલ્ડર વ્યવસાય સાથે સંકળાયેલા કમલેશ પટેલનું માનવું છે કે અહીંના સ્થાનિકો માટે આ ખૂબ આશીર્વાદ રૂપ સાબિત થશે. આ ગામના તમામ વર્ગનું માનવું છે કે વડાપ્રધાનશ્રીના આ પ્રોજેક્ટને  કારણે તેમના વેપારને સીધો લાભ થશે. 

આવાતો અનેક ગામડાઓ આ રેલ પ્રોજેક્ટને લઈને વિકાસપથ પર આગળ વધશે,  ગ્રામજનો રાજ્ય સરકાર, રેલ વિભાગના સહયોગથી નિર્માણ પામવા જઈ રહેલી ગતિશક્તિ યોજનાને હર્ષભેર આવકારી રહ્યાં છે,. ત્યારે ગુજરાત ફર્સ્ટ અંબાજી પાસેના  મુમનવાસ ગામે પણ પહોંચ્યું હતું. જ્યાં લોકોએ વડાપ્રધાનશ્રી પર પ્રેમ વરસાવ્યો હતો  અહીના ગ્રામજનો ઝીપમાં જોખમી સવારી કરવા મજબૂર છે, પરંતુ હવે તેમને રેલ સેવાની સરળ, સસ્તી અને સલામત સવારી મળશે તેની ખુશી તેમના ચહેરા પર છલકાઈ રહી છે.

હજુ તો અમુક જ ગામડાની આ મુલાકાત અને વાતો આપે જાણી,. ગુજરાત ફર્સ્ટ હવે તમને લઈ જઈ રહ્યું મા આદ્યશક્તિના ચરણોમાં  મન શાંત અને પવિત્ર થયાનો અહેસાસ આપોઆપ થઈ જાય છે. યાત્રાધામની સાથે પ્રવાસન સ્થળ તરીકે આ યાત્રાધામ વિકાસ પામી રહ્યું છે, ત્યારે વડાપ્રધાનશ્રીના રેલ પ્રોજેક્ટથી વેપાર-ઉદ્યોગ, રોજગારીની અનેક તક ઉભી થશે.  ત્યારે અહીંના પ્રબદ્ધ નાગરિકોએ પણ આ પ્રોજેક્ટ બાબતે સ્થાનિકો ઉત્સુક છે. હવે રેલ સાથે વિકાસની રફતારમાં અંબાજીનો ઉમેરો થયો છે. અંબાજીના તમામ સ્થાનિકો આ યોજનાને હરખભેર આવકારી રહ્યા છે, અટેલું જ નહીં, રેલ સેવા અહીં આવવાથી  ચાચરચોકના દુકાનદારો અને હોટલ માલિકો પણ આવકમાં વધારો થશે તેવી આશા સેવી રહ્યા છે.

હવે તમને લઈ જઈએ એક એવા સ્થળે કે જ્યાંની ગરમાગરમ રબડી પ્રખ્યાત છે,. ચોમાસામાં તો અહીં વરસાદની સાથે વાદળો પણ ભીંજવી દેશે,. ભલેને ઠંડી અપાર હોય, પણ આ સ્થળ હરવા-ફરવા-પ્રવાસ માટે સૌ કોઈની યાદીમાં પ્રથમ આવે.. જી હા વાત  થઇ રહ્યી છે, ગુજરાતીઓના પ્રિય હિલસ્ટેશન આબુની આબુની સુંદરતા તો  તમારી આંખો માણી જ હશે,  પરંતુ હવે તમામ ગુજરાતીઓ પ્રવાસીઓ આ જ આબુની સરળ, સસ્તી અને સલામત સવારી માણી શકશે, કારણકે આવી રહી છે અહીં રેલવે લાઈન.આબુ હિલ સ્ટેશન તરીકે તો પ્રખ્યાત છે જ, પણ અહીં દેલવાડાની સાથે બ્રહ્માકુમારીઝ સ્પિરિચ્યુઅલ સેન્ટર છે,. યાત્રાળુઓ અને પ્રવાસીઓની ચહેલપહેલથી અહીના લોકોને રોજગારી મળી રહે છે,. અને હવે તેઓની રોજગારીમાં પણ બમણો વધારો થશે.

રેલ પ્રોજેક્ટને લઈને પ્રવાસીઓ પણ ખૂબ ઉત્સાહિત જણાયા હતાં. નવી રેલવે લાઈન આવતા અહી કેવા પરિવર્તન આવશે,. લોકોને કેવી આશા-અપેક્ષા છે આ રેલવે પ્રોજેક્ટથી અહીના વેપારીવર્ગ પાસેથી પણ જાણવા મળ્યું, તમામનનો એક જ સૂર હતો કે રેલ્વે આવવાથી અહીંના સ્થાનિકો અને પ્રવાસીઓ બંન્નેને લાભ મળશે.