સુકેશે ચાહત ખન્નાને 100 કરોડની કાનૂની નોટિસ મોકલી, તેની છબી ખરાબ કરવાનો આરોપ

200 કરોડના મની લોન્ડરિંગ કેસમાં ફસાયેલી ટીવી એક્ટ્રેસ ચાહત ખન્નાની મુશ્કેલીઓ વધી શકે છે. જેલમાં બંધ ગેંગસ્ટર સુકેશ ચંદ્રશેખરે અભિનેત્રીને 100 કરોડ રૂપિયાની લીગલ નોટિસ મોકલી છે. સુકેશે આરોપ લગાવ્યો છે કે ચાહત ખન્ના તેની ઈમેજ ખરાબ કરી રહી છે. અભિનેત્રીએ એક ઈન્ટરવ્યુ દરમિયાન જણાવ્યું હતું કે સુકેશે તેને તિહાર જેલમાં લગ્ન માટે પ્રપોઝ કર્યું હતું. હવે સુકેશે અભિનેત્રીને આ અંગે લીગલ નોટિસ મોકલી છે.

સુકેશ ચંદ્રશેખરના વકીલનું કહેવું છે કે ચાહત ખન્નાના નિવેદનને કારણે સુકેશની પ્રતિષ્ઠા અને ઈમેજને ઊંડી અસર થઈ છે. આ સાથે સુકેશ માનસિક યાતનાનો પણ ભોગ બન્યો છે. વકીલે કહ્યું કે જે કેસમાં સુકેશને આરોપી બનાવવામાં આવ્યો છે તે કોર્ટમાં વિચારાધીન છે. આવી સ્થિતિમાં કોઈ પણ આરોપી દોષિત સાબિત થઈ શકે નહીં અને કોઈ વ્યક્તિ તે આરોપી વિરુદ્ધ ટિપ્પણી કરી શકે નહીં. ચાહત ખન્ના આ બધું ઈન્ડસ્ટ્રીમાં સ્થાન બનાવવા અને ધ્યાન ખેંચવા માટે કરી રહી છે.

સુકેશ ચંદ્રશેખરના વકીલે જણાવ્યું કે ચાહત ખન્નાને લીગલ નોટિસ મોકલીને સાત દિવસનો સમય આપવામાં આવ્યો છે. અભિનેત્રીએ સાત દિવસમાં સુકેશની માફી માંગતું નિવેદન જારી કરવું પડશે. જો ચાહત આમ નહીં કરે તો તેની સામે કાયદેસરની કાર્યવાહી કરવામાં આવશે.

જણાવી દઈએ કે ચાહત ખન્નાએ તાજેતરમાં એક ઈન્ટરવ્યુ દરમિયાન સુકેશ ચંદ્રશેખર વિશે વાત કરી હતી. ચાહતે કહ્યું હતું કે તેને એક ઈવેન્ટના નામે મુંબઈથી દિલ્હી બોલાવવામાં આવી હતી. જ્યારે તે દિલ્હી પહોંચી ત્યારે પિંકી ઈરાની તેને તિહાર જેલમાં લઈ ગઈ, જ્યાં તે સુકેશને મળી હતી, જેલમાં સુકેશે તેને લગ્ન માટે પ્રપોઝ કર્યું અને કીધું કે તે તેના બાળકોનો પિતા બનવા માંગે છે. 

આ પણ વાંચોઃ  દિલ્હીમાં બોયફ્રેન્ડ, બરેલીમાં ગર્લફ્રેન્ડ, ટેડી ડે પર મળવા માટે છોકરીએ પોલીસની મદદ લીધી