રોજગારીના મુદ્દે રાહુલ ગાંધીના સરકાર પર આકરા પ્રહાર, જાણો શું કહ્યું

કોંગ્રેસના પૂર્વ અધ્યક્ષ રાહુલ ગાંધીએ ફરી એકવાર રોજગારીના મુદ્દે મોદી સરકારને ઘેરવાનો પ્રયાસ કર્યો છે. તેમણે કેન્દ્ર પર નોકરીઓ છીનવી લેવાનો આરોપ લગાવ્યો છે.

કોંગ્રેસના પૂર્વ અધ્યક્ષ રાહુલ ગાંધીએ શનિવારે આરોપ લગાવ્યો હતો કે વડા પ્રધાન નરેન્દ્ર મોદીની આગેવાની વાળી સરકાર નવી નોકરીઓ નહીં આપીને બાકીની નોકરીઓ છીનવી લેવામાં સક્ષમ છે. તેમણે એવા સમાચારને ટાંકીને સરકાર પર નિશાન સાધ્યું હતું કે ભારતીય રેલવેમાં બિન-સુરક્ષા શ્રેણીની 91 હજારથી વધુ જગ્યાઓ પર ભવિષ્યમાં ક્યારેય ભરતી કરવામાં આવશે નહીં.

રાહુલ ગાંધીએ ફેસબુક પોસ્ટમાં કહ્યું, 'મોદી સરકાર નવી નોકરીઓ આપવામાં સક્ષમ નથી, પરંતુ તે બાકીની નોકરીઓ છીનવી લેવામાં ચોક્કસપણે સક્ષમ છે. યાદ રાખો, આ યુવાધન તમારા શક્તિના અભિમાનને તોડી નાખશે. તેમનું ભવિષ્ય બરબાદ કરવું આ સરકારને મોંઘુ પડશે'. 

આ પહેલા કોંગ્રેસના પૂર્વ અધ્યક્ષ રાહુલ ગાંધીએ શુક્રવારે દેશના પ્રથમ વડાપ્રધાન પંડિત જવાહરલાલ નહેરુની પુણ્યતિથિ પર કહ્યું હતું કે તેઓ લોકશાહીના મૂળને મજબૂત કરનાર વ્યક્તિ હતા, પરંતુ ભારતીય જનતા પાર્ટીએ છેલ્લા આઠમાં સંસ્થાઓને નષ્ટ કરીને લોકશાહીને નબળી બનાવી છે. રાહુલે ટ્વીટ કર્યું, "IIT, IIM, LIC, BHEL, NID, BARC, AIIMS, ISRO, SAIL, ONGC... નેહરુજી સંસ્થાઓના નિર્માતા હતા જેમણે આપણા લોકતાંત્રિક મૂળને મજબૂત બનાવ્યા." તેમણે દાવો કર્યો, છેલ્લા આઠ વર્ષમાં, ભાજપે સંસ્થાઓને નષ્ટ કરીને લોકશાહીને નબળી કરી છે.

ભારતને અત્યારે 'ભારત જોડો'ની સૌથી વધુ જરૂર છે. તેમણે નેહરુને યાદ કરતા અન્ય એક ટ્વીટમાં કહ્યું, મૃત્યુના 58 વર્ષ પછી પણ પંડિત જવાહરલાલ નેહરુના વિચારો, રાજકારણ અને આપણા દેશ માટે તેમનું વિઝન પહેલા જેટલું જ પ્રાસંગિક હતું. ભારતના આ અમર સપૂતના મૂલ્યો આપણા કદમો અને શાણપણને માર્ગદર્શન આપતા રહે.