રાજ્યવ્યાપી સુજલામ સુફલામ જળ અભિયાનનો આજથી પ્રારંભ

વર્ષ 2021માં લોક ભાગીદારીના 4964, મનરેગા હેઠળ 5950, વિભાગીય રીતે 4296 મળી કુલ 15210 કામો હાથ ધર્યા હતા. જળ સંગ્રહ શક્તિમાં 19,717 ધનફૂટ જેટલો વધારો થયો છે. રાજ્યમાં 4 વર્ષમાં 56,698 કામો હાથ ધરવામાં આવ્યાં. ઉપરાંત તળાવ ઉડા કરવાના 21,402 કામો હાથ ધર્યા. ચેકડેમ ડિસિલટિંગ 12,221 કામો હાથ ધરવામાં આવ્યાં, આ સિવાય જળાશય ડિસીલ્ટિંગ 608, ચેકડેમ રિપેરીંગના 3,435, નવા ચેકડેમના 1,204, વન તળાવના 1,627, ખેત તલાવડીના 1,635, નદીને પુનઃ જીવિત કરવાના 429 કામો હાથ ધરવામાં આવ્યાં. ઉપરાંત 50,353 કિમિ લંબાઈની નહેરો કાસની સફાઈના કામો કરવામાં આવ્યાં. આ અભિયાન અંતર્ગત રાજ્યમાં 156.93 લાખ લોકોને રોજગારી પ્રાપ્ત થઈ. લોકભાગીદારી હેઠળ 182.00 કરોડનો સરકારને સહયોગ પ્રાપ્ત થયો. ચાર વર્ષમાં 61,781 ઘન ફૂટ જળ સંગ્રહ શક્તિનો વધારો થયો છે.