બોલિવૂડમાં સાઉથના સુપરસ્ટારની સફળ ઇનિંગ, શું બોલિવુડ સ્ટારને છે ખતરો ?

સાઉથના મેગાસ્ટાર રજનીકાંતથી લઈને સુપરસ્ટાર કમલ હસન હિન્દી સિનેમામાં જગતમાં પોતાની ઓળખ બનાવી ચૂક્યા છે, અને તાજેતરમાં સાઉથના સ્ટાર્સ હિન્દી બૉક્સ ઑફિસ પર સારી ઇનિંગ્સ રમી રહ્યા છે. આજકાલ બોલીવુડ માત્ર હિન્દી સુપરસ્ટારનું બજાર જ નથી રહ્યું પણ સાઉથ સુપરસ્ટાર માટે પણ મોટું પ્લેટફોર્મ છે.

આમાંના મોટા ભાગના સ્ટાર્સ સાઉથમાં ખૂબ ફેમસ છે અને હવે આ સાઉથના કલાકારો બોલિવૂડમાં પણ ખૂબ સારું કામ કરી રહ્યા છે. બાહુબલી ફેમ પ્રભાસ હોય કે ચિરંજીવી હોય, અલ્લુ અર્જુન, અનુષ્કા શેટ્ટી, દુલકર સલમાન આ બધાએ તાજેતરમાં હિન્દી સિનેમામાં મુખ્ય ભૂમિકા ભજવી છે અને ફિલ્મો બોક્સ ઓફિસ પર ખૂબ હિટ પણ સાબિત થઈ. 

આ રીતે, આ સ્ટાર્સ બોલિવૂડ સ્ટાર્સ સાથે  સીધી સ્પર્ધા કરી રહ્યાં છે. એટલું જ નહીં, આ સ્ટાર્સે  હિટ ફિલ્મોના મામલે બોલિવૂડ સ્ટાર્સને પણ પાછળ છોડી દીધા છે. સામે બોલિવૂડમાં આજકાલ રિલીઝ થઈ રહેલી ઘણી ફિલ્મો ફ્લોપ થઈ રહી છે.

એટલું જ નહીં, બોલિવૂડની ઘણી ફિલ્મો સાઉથની સુપરહિટ ફિલ્મોની રિમેક પણ છે, જેમાં બોલિવૂડના મોટા સ્ટાર્સ રોલ કરે છે અને આ ફિલ્મો સુપરહિટ પણ સાબિત થઈ છે. એટલે કે સાઉથની ફિલ્મ પણ બોલિવૂડમાં સારો બિઝનેસ કરી રહી છે. આ ફિલ્મોનું કન્ટેન્ટ સારું છે અને કન્ટેન્ટને કારણે આ ફિલ્મની રિમેક બોલિવૂડમાં સુપરહિટ બની છે. એકદંરે સાઉથની ફિલ્મો બૉલીવુડમાં સારો દેખાવ કરી રહી છે. તાજેતરમાં બોલિવૂડમાં નવી ફિલ્મો કે નવા કન્ટેન્ટ આવવાનો ખ્યાલ હવે ઓછો થયો છે? 

હાલમાં જ સાઉથના સુપરસ્ટાર પ્રભાસની ફિલ્મ બાહુબલી, સાહુ, RRR, પુષ્પાએ બોક્સ ઓફિસ પર સારી કમાણી કરી છે. આ ફિલ્મોએ દર્શકોના દિલ જીતી લીધા છે. ભૂતકાળમાં સાઉથના મેગા સ્ટાર રજનીકાંત, સાઉથ સુપર સ્ટાર કમલ હાસને પણ બોલિવૂડ ફિલ્મોમાં પોતાનું સ્થાન બનાવ્યું હતું. આ સાથે તેમની પણ ઘણી સુપર ડુપર હિટ ફિલ્મ પણ બોલીવુડમાં ડબ કરવામાં આવી હતી, તો આજે તાજેતરમાં પ્રભાસ, અલ્લુ અર્જુન, ધનુષ, અનુષ્કા શેટ્ટી, કાજલ અગ્રવાલ, એમ માધવન, ચિરંજીવી, જુનિયર એનટી રામા રાવ, વિજય દેવેરાકોંડા, અસીન જેવા દક્ષિણ ભારતીય સ્ટાર્સ બોલિવૂડમાં પગપેસારો કરીને ઘણી સારી સફળતા મેળવી રહ્યાં છે. અને તેમની ફિલ્મ પણ જબરદસ્ત હિટ રહે છે.

સાઉથના આ તમામ સ્ટાર્સે બોલિવૂડમાં કમાલ કરી છે. આ સિવાય સાઉથની રિમેક ફિલ્મ અને સાઉથ સ્ટાર્સ OTT પ્લેટફોર્મ પર સારો દેખાવ કરી રહ્યાં છે. બાય ધ વે, જો આ જ રીતે દક્ષિણ ભારતના સ્ટાર્સ અને ફિલ્મો બોલિવૂડમાં જશે, તો તે ચોક્કસપણે એક ટ્રેન્ડ બની જશે. કદાચ બોલિવૂડ સ્ટાર્સના ફેન્સ સાઉથ ઈન્ડિયન સ્ટાર્સને વધુ પસંદ કરવા લાગે.. હવે ખેર  એ તો સમયજ કહી શકે છે કે શું સાઉથ ટેલેન્ટ બોલિવૂડને  કેટલી ટક્કર આપી શકે?