સોનમ કપૂરે પુત્રને જન્મ આપ્યો, કહ્યું 'અમારું જીવન હંમેશ માટે બદલાઈ ગયું'

સોનમ કપૂર અને આનંદ આહુજા તેમના પહેલા સંતાનને લઈને ખૂબ જ ઉત્સાહિત છે. સોનમ અને આનંદે આ વર્ષે માર્ચમાં પ્રેગ્નન્સીની જાણકારી આપી હતી. તેણે બેબી બમ્પ સાથે ફોટોશૂટ કરાવ્યું હતું, જેની તસવીરો શેર કરવામાં આવી હતી. સોનમ કપૂર માતા બની ગઈ છે. તેણે એક પુત્રને જન્મ આપ્યો છે. બાળકના જન્મ બાદ કપૂર પરિવારની ખુશીનો કોઈ પાર નથી. નીતુ કપૂરે એક પોસ્ટ શેર કરીને આ વિશે માહિતી આપી છે. આ નોટ સોનમ કપૂરની માતા સુનીતા કપૂર દ્વારા રી- શેર કરવામાં આવી છે. નીતુ દ્વારા શેર કરવામાં આવેલ પોસ્ટ સોનમ અને આનંદ દ્વારા જારી કરાયેલ નિવેદન છે. કપલે કહ્યું કે તેમનું જીવન હંમેશ માટે બદલાઈ ગયું છે. તેમણે ડોક્ટર્સ, મિત્રો અને પરિવારના સભ્યોનો આભાર માન્યો હતો.

સોનમ અને આનંદે કહ્યું, '20.08.2022ના રોજ અમે અમારા સુંદર બાળકનું સ્વાગત કરીએ છીએ. આ સમય દરમિયાન અમને સુવિધા આપનાર તમામ ડોકટરો, નર્સો, મિત્રો અને પરિવારજનોનો આભાર. આ માત્ર શરૂઆત છે પરંતુ આપણે જાણીએ છીએ કે આપણું જીવન હંમેશ માટે બદલાઈ ગયું છે. સોનમ અને આનંદ.

સોનમ કપૂર અને આનંદ આહુજા તેમના પહેલા સંતાનને લઈને ખૂબ જ ઉત્સાહિત છે. સોનમ અને આનંદે આ વર્ષે માર્ચમાં પ્રેગ્નન્સીની જાણકારી આપી હતી. તેણે બેબી બમ્પ સાથે ફોટોશૂટ કરાવ્યું હતું, જેની તસવીરો સોશિયલ મીડિયા પર શેર કરવામાં આવી હતી. સોનમે તેની સાથે લખ્યું, 'ચાર હાથ. તમને મારા હાથમાં લેવા માટે. બે હૃદય જે તમારી સાથે ધબકશે. એક કુટુંબ અને ઘણો પ્રેમ. તમારું સ્વાગત કરવા આતુર છું.'

સોનમે વર્ષ 2018માં બિઝનેસમેન આનંદ આહુજા સાથે લગ્ન કર્યા હતા. લગ્ન બાદ સોનમ તેના પતિ સાથે લંડન શિફ્ટ થઈ ગઈ હતી. કામના સંબંધમાં તે મુંબઈ જતી રહે છે. તેની આગામી ફિલ્મોની વાત કરીએ તો તે 'બ્લાઈન્ડ'માં જોવા મળશે. આમાં તેની સાથે વિજય પાઠક, પુરબ કોહલી અને લિલેટ દુબે હશે. આ ફિલ્મ 2011માં આવેલી કોરિયન ફિલ્મ 'બ્લાઈન્ડ'ની રિમેક છે.