સો.મીડિયા પર મોનાલિસાના ભારતીય સંસ્કરણે મચાવી ધૂમ..કોઇ કે કહ્યું લીસા દેવી...તો કોઇકે મહારાની લિસા..

867 મિલિયન ડોલરમાં તૈયાર થયેલું મોનાલિસાનું પેઇન્ટિંગ હંમેશા રહસ્ય બની રહ્યું છે. મહાન ઇટાલિયન ફિલસૂફ અને ચિત્રકાર લિયોનાર્દો દ વિન્ચી દ્વારા બનાવવામાં આવેલું અદ્ભુત પેઇન્ટિંગ આ દિવસોમાં ફરી ચર્ચામાં છે. મોનાલિસાની પેઇન્ટિંગની ચર્ચા સોશિયલ મીડિયા પર જોરશોરથી થઈ રહી છે. બની શકે કે પહેલી ઝલકમાં મોનાલિસાનો બદલાયેલો લુક જોઇ તમે તેને ઓળખી પણ ન શકો.પરંતુ જો તમે નજીકથી જોશો, તો તમે એ જ મોનાલિસાને જોશો જેના હોઠ મહાન ફિલોસોફરને બનાવવામાં 12 વર્ષ લાગ્યા હતા.

હકીકતમાં આ દિવસોમાં મોનાલિસાની પેઇન્ટિંગ સોશિયલ મીડિયા યુઝર્સમાં અલગ-અલગ રૂપમાં ખૂબ જ લોકપ્રિય થઈ રહી છે.અથવા એમ કહી શકાય કે મોનાલિસાનું ભારતીય સંસ્કરણ સોશિયલ મીડિયા વપરાશકર્તાઓ દ્વારા ખૂબ જ પસંદ કરવામાં આવી રહ્યું છે. વાયરલ થઈ રહેલી તસવીરો @ThePerliousGirl ના ટ્વિટર એકાઉન્ટ પરથી સોશિયલ મીડિયા પર શેર કરવામાં આવી છે.

ટ્વિટર પર વાયરલ થઈ રહેલી મોનાલિસાની તસવીર ભારતના અલગ-અલગ રાજ્યોમાં પહેરવામાં આવતા ડ્રેસમાં એડિટ કરવામાં આવી છે. જેમ કે જો મોનાલિસાનો જન્મ દિલ્હીમાં થયો હોય, તો તે કેવી દેખાતી હશે અને તેનું નામ શું હશે? સર્જકે તેમની કલ્પનામાં દક્ષિણ દિલ્હીની મોનાલિસાને સુંદર સાડીમાં રજૂ કરી છે. મોનાલિસાના હાથમાં પર્સ-આઇફોન અને માથા પર ગોગલ્સ પણ બતાવવામાં આવ્યા છે.

મોનાલીસાને બિહારી પહેરવેશમાં રજુ કરી તેને લીસા દેવી નામ આપવામાં આવ્યુ છે . તો રાજસ્થાની લુકમાં તેને મહારાની લીસા નામ આપવામાં આવ્યું છે. સાઉથ દિલ્હીમાં લીસાને રજુ કરતા ચિત્રમાં તેને લિસા મૌસી કહેવામાં આવી છે.