અમેરિકાના અનેક વિસ્તારોમાં હિમવર્ષાનો કહેર, 18 લોકોના મોત

અમેરિકામાં હાલમાં ભારે હિમવર્ષાને કારણે સ્થિતિ બેકાબૂ બની ગઈ છે..લોકો ઘરોમાં પૂરાઇ રહેવા મજબૂર બન્યા છે. બર્ફીલા બોમ્બ ચક્રવાતે જનજીવનને મુશ્કેલીમાં મુકી દીધું છે. સ્થિતિ એવી છે કે ઈમરજન્સી રિસ્પોન્સ ટીમ પણ કામ કરી શકતી નથી. કાર અકસ્માત, વૃક્ષો ધરાશાયી થવા અને અન્ય કારણોસર અત્યાર સુધીમાં 18 લોકોએ જીવ ગુમાવ્યો છે. ઘણા લોકો બીમાર છે. લગભગ 18 લાખ લોકો તેમના ઘરોમાં પુરાયેલા છે. આંતરરાષ્ટ્રીય એરપોર્ટ બંધ છે અને હજારો લોકો પણ એરપોર્ટ પર ફસાયેલા છે.

અમેરિકામાં જનજીવન ઠપ્પ છે..લોકોને ઈમરજન્સીમાં પણ મદદ મળી રહી નથી. ન્યૂયોર્કના બફૈલો વિસ્તારમાં ત્રણ નાગરિકો મોતે ભેટ્યા છે.. જેમાંથી બે લોકોના ઘરમાં મોત થયા છે. આ લોકોની તબિયત લથડી હતી અને બરફના તોફાનના કારણે ઈમરજન્સી મેડિકલ ટીમો તેમના સુધી પહોંચી શકી ન હતી. નેશનલ વેધર સર્વિસ અનુસાર ઘણી જગ્યાએ તાપમાન -48 ડિગ્રી સુધી પહોંચી ગયું છે. 

ન્યૂયોર્કના ગવર્નર કેથી હોચુલે આ સ્થિતિ પર દુખ વ્યક્ત કર્યું છે . બફૈલોમાં પવનની ઝડપ લગભગ 80 માઇલ પ્રતિ કલાક છે. અમેરિકામાં લાખો લોકો હિમવર્ષાથી પ્રભાવિત થયા છે. બોંબ ચક્રવાતથી 14 લાખથી વધુ ઘરો અને વ્યવસાયો ગંભીર રીતે પ્રભાવિત થયા છે કારણ કે તેના કારણે અંધારપટ, વીજ પ્રવાહ અને તાપમાનમાં ઘટાડો થયો છે.

આ પણ વાંચોઃ  તવાંગમાં માર ખાધા બાદ સુધર્યું ચીન, ભારત સાથે સારા સંબંધોની કરી માંગ