ચીટર કહેનારાઓની સર જાડેજાએ બોલતી બંધ કરી દીધી, તોડ્યો આ મોટો રેકોર્ડ

બોર્ડર-ગાવસ્કર ટ્રોફી 2023ની પ્રથમ મેચ (Border-Gavaskar Trophy 2023)નાગપુરમાં રમાઈ રહી છે. આ મેચમાં ભારતીય સ્ટાર ઓલરાઉન્ડર રવિન્દ્ર જાડેજાએ (Ravindra Jadeja)વાપસી કરી હતી. લગભગ 5 મહિના પછી આંતરરાષ્ટ્રીય ક્રિકેટમાં વાપસી કરનાર જાડેજાએ પ્રથમ બોલિંગમાં પાંચ વિકેટ લીધી હતી અને હવે બેટિંગ દરમિયાન અડધી સદી ફટકારી છે. મેચના બીજા દિવસે બેટિંગ કરતી વખતે જાડેજા ક્રિઝ પર હાજર છે.

2022માં રમાયેલા એશિયા કપ દરમિયાન જાડેજાને ઈજા થઈ હતી. તેના ઘૂંટણમાં ઈજા થઈ હતી. આ પછી તેણે સર્જરી કરાવી અને લાંબા સમય સુધી ક્રિકેટથી દૂર રહેવું પડ્યું. ધીમે ધીમે સ્વસ્થ થવા સાથે, તેણે નેશનલ ક્રિકેટ એકેડમી (NCA)માં તેનું પુનર્વસન કર્યું. ત્યાં તેણે ફરીથી પ્રેક્ટિસ શરૂ કરી. આ પછી જાડેજાએ રણજી ટ્રોફીમાં સૌરાષ્ટ્ર માટે એક મેચ રમી હતી, જેમાં તેણે બોલિંગમાં 7 વિકેટ ઝડપી હતી. ત્યાંથી તેની લય પાછી આવી.તેણે આ વિશે જણાવ્યું કે તે NCSમાં દરરોજ ઘણી ઓવરો ફેંકતો હતો, જેથી તેને ફરીથી લય મળી શકે.

જાડેજાએ ઓસ્ટ્રેલિયા સામેની ટેસ્ટ મેચમાં ફરી લય મેળવીને ધમાકો કર્યો હતો. પ્રથમ બોલિંગમાં તેણે 22 ઓવરમાં 47 રન આપીને 5 વિકેટ ઝડપી છે. આમાં તેણે માર્નસ લાબુશેન, સ્ટીવ સ્મિથ, મેટ રેનશો, પીટર હેન્ડ્સકોમ્બ અને મર્ફીને વોક કરાવ્યા.આ પછી, બેટિંગમાં સાતમા નંબર પર બેટિંગ કરવા ઉતર્યો અને ઇનિંગ્સને સંભાળતા શાનદાર અડધી સદી ફટકારી. બીજા દિવસના ત્રીજા સેશનની રમતમાં જાડેજા હજુ પણ ક્રિઝ પર છે.

જાડેજાએ ટીમ ઈન્ડિયા માટે અત્યાર સુધીમાં કુલ 61 ટેસ્ટ, 171 ODI અને 64 T20 ઈન્ટરનેશનલ મેચ રમી છે. ટેસ્ટમાં તેણે બેટિંગમાં 2580 રન બનાવ્યા છે અને બોલિંગમાં 247 વિકેટ લીધી છે. વનડેમાં બેટિંગ કરતી વખતે તેણે 2447 રન બનાવ્યા છે અને બોલિંગમાં 189 વિકેટ લીધી છે. તે જ સમયે, તેણે T20 ઇન્ટરનેશનલની બેટિંગથી 457 રન બનાવ્યા છે અને બોલિંગમાં 51 વિકેટ લીધી છે.

આપણ  વાંચો-દેશની દિકરીઓ જીતવા તૈયાર, આજથી Women's T20 World Cup શરુ, રવિવારે ભારત-પાક મુકાબલો